ന്യൂദൽഹി: രാജ്യവ്യാപകമായി പ്രകോപനം സൃഷ്ടിച്ച ഹത്രാസിൽ 19 വയസ്സായ പെൺകുട്ടിയെ കൂട്ടബലാത്സംഗത്തിനും പീഡനത്തിനും ഇരയായ കേസിൽ ഇരയുടെ കുടുംബത്തിന് പ്രതികളിലൊരാളെ അറിയാമെന്നതിന് തെളിവുകളുണ്ടെന്ന് ഉത്തർപ്രദേശ് പോലീസ്. കുറ്റകൃത്യത്തിന് അറസ്റ്റിലായ നാല് പ്രതികളിൽ ഒരാളുമായി യുവതിയുടെ സഹോദരൻ ബന്ധപ്പെട്ടിരുന്നുവെന്ന് കോൾ റെക്കോർഡുകൾ വെളിപ്പെടുത്തുന്നുവെന്ന് യുപി പോലീസ് പറയുന്നു.
യുവതിയുടെ സഹോദരനും പ്രതി സന്ദീപ് താക്കൂറും തമ്മിൽ കഴിഞ്ഞ ഒക്ടോബർ മുതൽ മാർച്ച് വരെ 104 ഓളം കോളുകൾ നടത്തിയതായി പോലീസ് അവകാശപ്പെടുന്നു. കോൾ റെക്കോർഡുകളുടെ അടിസ്ഥാനത്തിൽ ഇരയുടെ സഹോദരനെ ചോദ്യം ചെയ്യുമെന്ന് പോലീസ് വൃത്തങ്ങൾ അറിയിച്ചു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
