പുല്ലൂരാംപാറ : ഇന്ന് പെയ്ത കനത്ത മഴയിൽ കോടഞ്ചേരി – കക്കാടംപൊയിൽ മലയോര ഹൈവേയിൽ വിവിധയിടങ്ങളിൽ വാഹനാപകടങ്ങൾ സംഭവിച്ചു.
പൊന്നാങ്കയം സ്കൂളിന് സമീപം ബൈക്കുകൾ തമ്മിൽ കൂട്ടിയിടിച്ചു. അപകടത്തിൽ പൊന്നാംങ്കയം കൊല്ലംപറമ്പിൽ ബൈജു, മകൻ മാനുവൽ, കണ്ണോത്ത് പന്നിമല, വടക്കേക്കുടിയിൽ ജെയിംസ് എന്നിവർക്ക് സാരമായി പരിക്കേറ്റു. പരിക്കേറ്റവരെ മുക്കം കെഎംസിടി മെഡിക്കൽ കോളേജിൽ പ്രവേശിപ്പിച്ചു.
ഇവിടെ തന്നെ സ്കൂളിന് സമീപം കട്ടിക്കാന വളവിൽ കനത്ത മഴയിൽ നിയന്ത്രണം വിട്ട ലൈലാൻഡ് ദോസ്ത് പിക്കപ്പ് റോഡിന്റെ സംരക്ഷണ ഭിത്തിയിൽ ഇടിച്ചുകയറി. അപകടത്തിൽ ആർക്കും പരിക്കില്ല.
കൂമ്പാറ ആനയോട് പാലത്തിനു സമീപം കനത്ത മഴയിൽ കാറും ഗുഡ്സ് ഓട്ടോയും തമ്മിൽ കൂട്ടിയിടിച്ചു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
