കനത്ത മഴ: മു​ക്കം നഗരസഭയിലെയും കാരശേരി പഞ്ചായത്തിലേയും അ​മ്ബ​തി​നാ​യി​ര​ത്തോ​ളം വാ​ഴ​ക​ള്‍ ന​ശി​ച്ചു

മു​ക്കം: ക​ന​ത്ത മ​ഴ​യി​ല്‍ വെ​ള്ളം ക​യ​റി മു​ക്കം ന​ഗ​ര​സ​ഭ​യി​ലും, കാ​ര​ശ്ശേ​രി പ​ഞ്ചാ​യ​ത്തി​ലു​മാ​യി അ​മ്ബ​തി​നായി​ര​ത്തോ​ളം വാഴകൾ നശിച്ചു. മു​ക്കം ന​ഗ​ര​സ​ഭ​യി​ലെ ക​യ്യേ​രി​ക്ക​ല്‍ വ​യ​ലി​ലാ​ണ് വ്യാ​പ​ക​മാ​യി വാ​ഴ​കൃ​ഷി ന​ശി​ച്ച​ത്. ഇ.​പി. ബാ​ബു, തെ​ക്കേ പൊ​യി​ല്‍ വേ​ലാ​യു​ധ​ന്‍ നാ​യ​ര്‍, പേ​ന​ക്കാ​വി​ല്‍ ഗം​ഗാ​ധ​ര​ന്‍ നാ​യ​ര്‍, നെ​ന്‍​മ​ണി പ​റ​മ്ബി​ല്‍ അ​ബ്​​ദു​ല്ല, വാ​ഴ​ക്കാ​ട്ടി​ല്‍ വേ​ലാ​യു​ധ​ന്‍, കു​ള​പ്പു​റ​ത്ത് കു​ഞ്ഞ​ന്‍, സ​ജി, പൊ​ക്കി​ണാം​പ​റ്റ യ​ശോ​ധ എ​ന്നീ ക​ര്‍​ഷ​ക​രു​ടെ പ​തി​ന​യ്യാ​യി​ര​ത്തോ​ളം വാ​ഴ​ക​ള്‍ ന​ശി​ച്ചി​ട്ടു​ണ്ട്. മ​ണാ​ശ്ശേ​രി, മു​ത്താ​ലം, ഭാ​ഗ​ങ്ങ​ളി​ലും വാ​ഴ​യും കി​ഴ​ങ്ങു​വി​ള​ക​ളും വ്യാ​പ​ക​മാ​യി ന​ശി​ച്ചി​ട്ടു​ണ്ട്.

ഒരു മാസം പ്രായമായ വാ​ഴ​ക​ളാ​ണ് ന​ശി​ച്ച​തി​ല​ധി​ക​വും. വാ​ഴ​ക്ക​ന്നി​നും ന​ടീ​ല്‍ ചെ​ല​വു​ക​ള്‍​ക്കു​മാ​യി ഒ​രു വാ​ഴ​ക്ക് 60 രൂ​പ​യോ​ളം ക​ര്‍​ഷ​ക​ര്‍ ചെ​ല​വ​ഴി​ച്ചി​ട്ടു​ണ്ട്. ര​ണ്ടു മാ​സം വ​ള​ര്‍​ച്ച​യാ​കാ​ത്ത​തി​നാ​ല്‍ ഇ​ന്‍​ഷു​റ​ന്‍​സ് വ​ഴി​യു​ള്ള ന​ഷ്​​ട​പ​രി​ഹാ​ര​വും ല​ഭി​ക്കി​ല്ല. ക​ഴി​ഞ്ഞ വ​ര്‍​ഷ​ങ്ങ​ളി​ലെ പ്ര​ള​യം മു​ന്നി​ല്‍ ക​ണ്ട് ഇ​ത്ത​വ​ണ ര​ണ്ടു മാ​സ​ത്തോ​ളം വൈ​കി​യാ​ണ് മി​ക്ക ക​ര്‍​ഷ​ക​രും വാ​ഴ ന​ട്ട​ത്. എ​ന്നാ​ല്‍ ക​ഴി​ഞ്ഞ ര​ണ്ടു ദി​വ​സ​ങ്ങ​ളി​ലാ​യി പെ​യ്ത ക​ന​ത്ത മ​ഴ​യും അ​ശാ​സ്ത്രീ​യ​മാ​യി നി​ര്‍​മി​ച്ച ത​ട​യ​ണ​യു​മാ​ണ് ക​ര്‍​ഷ​ക​ര്‍​ക്ക് വി​ന​യാ​യ​ത്. വെ​ള്ള​ത്തോ​ടൊ​പ്പം പാ​യ​ലു​ക​ള്‍ ഒ​ഴു​കി​യെ​ത്തി കൃ​ഷി​യി​ട​ത്തി​ല്‍ അ​ടി​ഞ്ഞ​തും കൃ​ഷി​ക്ക് നാ​ശ​മാ​ണ്. കാ​ര​ശ്ശേ​രി പ​ഞ്ചാ​യ​ത്തി​ലെ മാ​ന്ത്ര ഭാ​ഗ​ത്തും വ​യ​ല്‍​പ്ര​ദേ​ശ​ങ്ങ​ളി​ലും വാ​ഴ​കൃ​ഷി ന​ശി​ച്ചി​ട്ടു​ണ്ട്. ഭൂ​മി പാ​ട്ട​ത്തി​നെ​ടു​ത്തും ധ​ന​കാ​ര്യ സ്ഥാ​പ​ന​ങ്ങ​ളി​ല്‍ നി​ന്ന്​ വാ​യ്പ​യെ​ടു​ത്തു​മാ​ണ് അ​ധി​കം പേ​രും കൃ​ഷി​യി​റ​ക്കി​യി​രി​ക്കു​ന്ന​ത്.

പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.