കൊവിഡിൽ നിന്ന് നാമിപ്പോഴും മുക്തരായിട്ടില്ല . ഇന്ത്യയില് കൊവിഡിന്റെ മൂന്നാം തരംഗമാണിപ്പോള് തുടരുന്നത്. നേരത്തെ ഡെല്റ്റ എന്ന വൈറസ് വകഭേദമാണ് രാജ്യത്ത് അതിശക്തമായ രണ്ടാം തരംഗം സൃഷ്ടിച്ചത്. ചുരുങ്ങിയ സമയത്തിനുള്ളില് കൂടുതല് പേരിലേക്ക് രോഗമെത്തിക്കാന് സാധിക്കുമെന്നതായിരുന്നു ഡെല്റ്റയുടെ പ്രത്യേകത. അതിനിടയിൽ മൂന്നിരട്ടിയിലധികം വേഗതയില് രോഗവ്യാപനം നടത്താന് കഴിവുള്ള ഒമിക്രോണ് എന്ന വൈറസ് വകഭേദമാണ് ഇപ്പോള് മൂന്നാം തരംഗത്തിലേക്ക് നമ്മെ എത്തിച്ചിരിക്കുന്നത് . എന്നാല് വാക്സിനേഷന് പ്രക്രിയ ഏറെ ദുരം പോയതിനാലും രോഗതീവ്രത കുറവായ വൈറസ് വകഭേദമാണ് വ്യാപകമായിട്ടുള്ളത് എന്നതിനാലും രണ്ടാം തരംഗം സൃഷ്ടിച്ച അത്ര തന്നെ ഭീകരത ഈ തരംഗത്തിനില്ല. എങ്കിലും അപകടഭീഷണി നമ്മെ വിട്ടൊഴിയുന്നില്ല.
അതായത് കൊവിഡ് രോഗം ഭേദമായതിന് ശേഷവും രോഗികളായിരുന്നവരെ വിട്ടുമാറാതെ പിടിക്കുന്ന ഒരുകൂട്ടം ശാരീരിക- മാനസിക പ്രശ്നങ്ങളുണ്ട് പലര്ക്കും ഇതെക്കുറിച്ച് വേണ്ട അവബോധമില്ലാത്തതിനാല് തന്നെ ഈ പ്രശ്നങ്ങള് തിരിച്ചറിയപ്പെടാതെ പോകുന്നുമുണ്ട്. എല്ലാ രോഗികളിലും എല്ലാ വിഷതമകളും കാണണമെന്നില്ല. എന്നാല് എല്ലാവരിലും ഏതെങ്കിലും തരത്തിലുള്ള പ്രശ്നങ്ങള് നിലനില്ക്കാം. അത് രോഗിയുടെ ആരോഗ്യാവസ്ഥ, പ്രായം തുടങ്ങി പല ഘടകങ്ങളെയും അപേക്ഷിച്ചിരിക്കുന്നു.
പൊതുവേ ക്ഷീണം അഥവാ തളര്ച്ച സാധാരണയായി കാണാം. കൊവിഡിന്റെ കാര്യത്തിലും സ്ഥിതി അങ്ങനെ തന്നെ. ഈ തളര്ച്ച കൊവിഡിന് ശേഷവും മാസങ്ങളോളം നീണ്ടുനില്ക്കാം. ഏറ്റവുമധികം പേര് അനുഭവിക്കുന്ന പ്രശ്നവും അസഹ്യമായ ക്ഷീണം തന്നെ. ചെറിയ എന്തെങ്കിലും ജോലി ചെയ്തുതീര്ക്കുമ്പോഴേക്കും വയ്യാതാകുന്ന അവസ്ഥയാണ് . ഇത് ഒട്ടും കൈകാര്യം ചെയ്യാന് സാധിക്കുന്നില്ലെങ്കില് ഡോക്ടറെ കണ്ട് വേണ്ട നിര്ദേശം തേടുക തന്നെ വേണം.
കൊവിഡ് മാനസിക പ്രശ്നങ്ങളിലേക്കും വഴിവയ്ക്കുമെന്ന് വിവിധ പഠനങ്ങള് സൂചിപ്പിച്ചിരുന്നു. അതെ, കൊവിഡ് തലച്ചോറിന്റെ പ്രവര്ത്തനത്തെയും ഒരു പരിധി വരെ ബാധിക്കാം. അത്തരത്തില് കാര്യങ്ങളില് അവ്യക്തത, ഓര്മ്മക്കുറവ് പോലുള്ള പ്രശ്നങ്ങളും ഉണ്ടാവാം ‘
അടിസ്ഥാനപരമായി കൊവിഡ് ശ്വാസകോശ രോഗമായാണ് കണക്കാക്കപ്പെടുന്നത്. അതുകൊണ്ട് തന്നെ ഏറ്റവുമധികം ബാധിക്കാനിടയുള്ള അവയവവും ശ്വാസകോശം തന്നെയാണ്. കൊവിഡിന് ശേഷവും ശ്വാസകോശം ഇത്തരത്തില് പല പ്രശ്നങ്ങള് നേരിട്ടേക്കാം. ശ്വാസതടസം, നെഞ്ചില് വേദന, അസ്വസ്ഥത, ശ്വാസമെടുക്കുമ്പോള് അസാധാരണമായി ശബ്ദം പുറത്തുവരിക, ഇക്കാരണങ്ങള് കൊണ്ട് ഉറക്കം നഷ്ടമാവുക ഇവയും ഗുരുതരമായ രീതിയില് തുടരുകയാണെങ്കില് ഡോക്ടറെ കണ്ട് വേണ്ട പരിഹാരം തേടണം.
കൊവിഡിന്റെ ഭാഗമായി ചിലര്ക്ക് ശരീരവേദന ഉണ്ടാകാം. ഇതേ പ്രശ്നം കൊവിഡിന് ശേഷവും നീണ്ടുനില്ക്കാം. ശരീരത്തിന്റെ വിവിധ ഭാഗങ്ങളില് ഇത്തരത്തില് വേദനയനുഭവപ്പെടാം.
ശരീരത്തിന് ‘ബാലന്സ്’ നഷ്ടപ്പെടുന്ന അവസ്ഥ, തലവേദന, ഉറക്കക്കുറവ്, ഉത്കണ്ഠ, വിഷാദം, ഗന്ധം വീണ്ടെടുക്കാനാവാത്ത അവസ്ഥ എന്നിങ്ങനെ പല പ്രശ്നങ്ങളും ലോംഗ് കൊവിഡിന്റെ ഭാഗമായി അനുഭവപ്പെടാം. നിത്യജീവിതത്തെ ബാധിക്കുന്നതിന് അനുസരിച്ച് ഇവയ്ക്ക് പരിഹാരം തേടേണ്ടത് അത്യാവശ്യമാണ്. ഇതിനു ആത്മവിശ്വാസവും സന്തോഷവും വീണ്ടെടുക്കുക, മാനസിക സമ്മര്ദ്ദങ്ങളില് നിന്ന് അകന്നുനില്ക്കുക, ഇതൊക്കെ കൊവിഡ് വിഷമതകള് മറികടക്കാനാകും.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.