ജയ്പൂർ: രാജസ്ഥാനിലെ നാഗൗറിൽ ചൊവ്വാഴ്ച രാവിലെ ക്രൂയിസർ ട്രക്കുമായി കൂട്ടിയിടിച്ച് 11 പേർ മരിക്കുകയും ഏഴ് പേർക്ക് പരിക്കേൽക്കുകയും ചെയ്തു. ബിക്കാനീറിനടുത്ത് നാഗൗറില്‍ ജീപ്പും ട്രക്കും കൂട്ടിയിടിച്ചാണ് അപകടമുണ്ടായത്. ദേശീയപാതയില്‍ അതിവേഗയില്‍ പോയ വാഹനങ്ങളാണ് കൂട്ടിയിടിച്ചത്.
പരിക്കേറ്റവരെ ബിക്കാനീറിലെ നോഖയിലെ ആശുപത്രിയിലേക്ക് മാറ്റിയതായി നാഗൗറിലെ ശ്രീ ബാലാജി പോലീസ് സ്റ്റേഷനിലെ എസ്എച്ച്ഒ പറഞ്ഞു.
മരണപ്പെട്ടവരുടെ പോസ്റ്റ്മാര്‍ട്ടം നടത്തി മൃതദേഹം ഇന്നു തന്നെ ബന്ധുക്കള്‍ക്ക് വിട്ടുനല്‍കുമെന്നും പോലീസ് അറിയിച്ചു. ഇടിയുടെ ആഘാതത്തില്‍ പൂര്‍ണ്ണമായും തകര്‍ന്ന ക്രൂയിസറിലെ എല്ലാവരും മരണപ്പെട്ടതായാണ് വിവരം. ട്രക്കില്‍ യാത്രചെയ്തവര്‍ക്കാണ് പരിക്കേറ്റത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
