കൈവ്: ഉക്രൈനിലെ കീവിൽ വെടിയേറ്റ് ചികിത്സയിൽ കഴിയുന്ന ഇന്ത്യൻ വിദ്യാർത്ഥി ഹർജോത് സിംഗിനെ പോളണ്ടിലേക്ക് എത്തിച്ചു . പ്രത്യേകം സജ്ജീകരിച്ച ആംബുലൻസിലാണ് ഹർജോത്തിനെ പോളണ്ടിലേക്ക് കൊണ്ടുപോയത്. അദ്ദേഹത്തെ എയർഫോഴ്‌സ് ഇന്ത്യയിലേക്ക് തിരികെ കൊണ്ടുപോകും. ഫെബ്രുവരി 27ന് ഉക്രെയ്‌നിലെ കീവിൽ നിന്ന് സുരക്ഷിത സ്ഥലത്തേക്ക് കാറിൽ യാത്ര ചെയ്യുന്നതിനിടെയാണ് ഹർജോത്ത് വെടിയേറ്റത് . വെടിവെപ്പിന് ശേഷം നിരവധി തവണ ഇന്ത്യൻ എംബസിയുമായി ബന്ധപ്പെട്ടെങ്കിലും എംബസി സഹായിച്ചില്ലെന്ന് ഹർജോത് നേരത്തെ ആരോപിച്ചിരുന്നു. ഒരു വീഡിയോ സന്ദേശത്തിൽ, വീട്ടിലേക്ക് മടങ്ങാൻ അനുവദിക്കണമെന്ന് ഹർജോത് അഭ്യർത്ഥിച്ചു. പിന്നീട്, ഹർജോത് സിങ്ങിന്റെ ചികിത്സാ ചെലവ് കേന്ദ്രസർക്കാർ വഹിക്കുമെന്നും നാട്ടിലെത്തിക്കുമെന്നും വിദേശകാര്യ മന്ത്രാലയം അറിയിച്ചു. എംബസി അധികൃതർ ആശുപത്രിയിലെത്തി സൗകര്യങ്ങൾ ഒരുക്കി.കേന്ദ്രമന്ത്രി വി.കെ.സിംഗും ഹർജോത്തിനൊപ്പം ഉണ്ടാകും.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
