കട്ടാങ്ങൽ: സുഹൃത്തുക്കളുമായി സംസാരിച്ചു കൊണ്ടിരിക്കെ, പിണങ്ങി വിദ്യാർത്ഥി ടിപ്പർ ലോറിയുടെ മുന്നിലേക്ക് ചാടി. ഡ്രൈവറുടെ സമയോചിതമായ ഇടപെടൽ മൂലം വിദ്യാർത്ഥി രക്ഷപ്പെട്ടു.
ഇന്നലെ വൈകുന്നേരം 5.30 നാണ് സംഭവം. കട്ടാങ്ങൽ പെട്രോൾ പമ്പിന് സമീപമുള്ള കോഫി ഷോപ്പിന് മുന്നിൽ സംസാരിക്കുകയായിരുന്നു മൂന്ന് കുട്ടികൾ. പെട്ടെന്ന് അവരിൽ ഒരാൾ വഴക്കുണ്ടാക്കി റോഡിലേക്ക് ടിപ്പർ ലോറി വന്നപ്പോൾ അതിന് മുന്നിലേക്ക് ചാടി. ഇതിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്.
വിദ്യാർത്ഥി തന്റെ സുഹൃത്തുക്കൾക്കൊപ്പം സ്കൂട്ടറിൽ ഇരിക്കുകയായിരുന്നു. അവർ സംസാരിക്കുന്നത് വീഡിയോയിൽ കാണാം. അതേസമയം, വിദ്യാർത്ഥി സ്കൂട്ടറിൽ നിന്ന് ഇറങ്ങി റോഡിലേക്ക് നടക്കുന്നത് കാണാം. ടിപ്പർ വരുന്നത് കണ്ട് എന്തുചെയ്യണമെന്ന് അറിയാതെ കുട്ടി അവിടെ നിൽക്കുന്നു. ടിപ്പർ ഡ്രൈവർ പെട്ടെന്ന് ബ്രേക്ക് ചെയ്തത് കൊണ്ട് മാത്രം കുട്ടി രക്ഷപ്പെട്ടു. കാര്യമായ പരിക്കുകളൊന്നും സംഭവിച്ചില്ല.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
