കോഴിക്കോട്: ഇസ്ലാം മതവിശ്വാസികളുടെ പുണ്യ മാസമായ റമദാന് തുടക്കമായി. കാപ്പാട് മാസപ്പിറവി ദൃശ്യമായതിനാല് കേരളത്തില് ചൊവ്വാഴ്ച റമദാൻ ഒന്നായിരിക്കുമെന്ന് വിവിധ ഖാദിമാർ അറിയിച്ചു.
പാണക്കാട് സാദിഖലി ശിഹാബ് തങ്ങള്, കോഴിക്കോട് ഖാദി സയ്യിദ് മുഹമ്മദ് കോയ തങ്ങള് ജമലുലൈലി, ഖലീലുല് ബുഖാരി തങ്ങള്, പാളയം ഇമാം സുഹൈബ് മൗലവി തുടങ്ങിയ ഖാദിമാർ റമദാൻ പിറ കണ്ടത് സ്ഥിരീകരിച്ചു.
ദിവസം മുഴുവൻ ഭക്ഷണപാനീയങ്ങളേതുമില്ലാതെ ദൈവമാര്ഗത്തില് സഞ്ചരിച്ചും പ്രാര്ത്ഥിച്ചും നന്മകള് ചെയ്തും ദാനം നടത്തിയുമെല്ലാം വിശ്വാസികള് റമദാനിനെ പുണ്യകാലമാക്കി തീര്ക്കുകയാണ് ചെയ്യുന്നത്.
ഖുര്ആൻ അവതരിപ്പിക്കപ്പെട്ട മാസമാണ് റമദാൻ. ഈ മാസത്തില് ചെയ്യുന്ന പുണ്യകാര്യങ്ങളെ ദൈവം കയ്യൊഴിയില്ലെന്നതാണ് വിശ്വാസം. മാസപ്പിറ ദൃശ്യമായതിനാല് ഒമാൻ ഒഴികെയുള്ള ഗള്ഫ് രാജ്യങ്ങളില് തിങ്കളാഴ്ച റമദാൻ വ്രതം തുടങ്ങിയിരുന്നു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.