ഏഴ്, എട്ട്, പ്ലസ് വണ്‍, ഡിഗ്രി ഒന്നാം വർഷ ക്ലാസുകളിലേക്കുള്ള സംസ്ഥാന സ്പോർട്സ് അക്കാദമിയുടെ കോഴിക്കോട് ജില്ലാ സെലക്ഷൻ ഫെബ്രുവരി 13 ന് നടത്തും.
രാവിലെ എട്ടുമണിക്ക് ഈസ്റ്റ് ഹില്‍ ഗവണ്‍മെന്റ് ഫിസിക്കല്‍ എജുക്കേഷൻ ഗ്രൗണ്ടിലാണ് സെലക്ഷൻ ട്രയല്‍സ്. അത്‌ലറ്റിക്സ്, ഫുട്ബോള്‍, വോളിബോള്‍, ബാസ്ക്കറ്റ്ബോള്‍ എന്നിവയുടെ സെലക്ഷനാണ് നടക്കുക.
പ്ലസ് വണ്‍, ഒന്നാം വർഷ ഡിഗ്രി ക്ലാസുകളിലേക്കുള്ള സെലക്ഷനില്‍ പങ്കെടുക്കുന്നവരില്‍ ജില്ലാ, സംസ്ഥാന മത്സരങ്ങളില്‍ പങ്കെടുത്തവർക്ക് മുൻഗണനയുണ്ട്. ദേശീയ മത്സരങ്ങളില്‍ ഒന്ന്, രണ്ട്, മൂന്ന് സ്ഥാനങ്ങള്‍ നേടിയവർക്ക് നേരിട്ട് പ്രവേശനം ലഭിക്കും. വോളിബോള്‍ ട്രയല്‍സില്‍ പങ്കെടുക്കുന്നവരില്‍ സ്കൂള്‍തലത്തില്‍ ആണ്‍കുട്ടികള്‍ക്ക് 170 സെൻറീമീറ്ററും പെണ്‍കുട്ടികള്‍ക്ക് 163 സെന്റീമീറ്ററും പ്ലസ് വണ്‍/കോളേജ് തലങ്ങളില്‍ ആണ്‍കുട്ടികള്‍ക്ക് 185 സെന്റീമീറ്ററും പെണ്‍കുട്ടികള്‍ക്ക് 170 സെന്റീമീറ്ററും ഉയരം വേണം.
വിശദവിവരങ്ങള്‍ക്ക് ജില്ലാ സ്പോർട്സ് കൗണ്‍സിലുമായി ബന്ധപ്പെടണം; ഫോണ്‍: 0495- 2722593, 8078182593, 9961775522.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
