കോഴിക്കോട്: നിര്‍മ്മാണത്തിലിരുന്ന കെട്ടിടത്തിന്റെ സ്ലാബ് തകര്‍ന്ന് വീണ് അപകടം. ഒരാള്‍ മരിച്ചു. നാല് പേര്‍ക്ക് പരിക്കേറ്റു. തമിഴ്‌നാട് സ്വദേശി കാര്‍ത്തിക്ക്(22) ആണ് മരിച്ചത്. കോഴിക്കോട് തൊണ്ടയാട് ഇന്ന് രാവിലെയാണ് അപകടം.
കാര്‍ത്തിക്ക് തകര്‍ന്ന് വീണ സ്ലാബിന് അടിയില്‍ കുടുങ്ങുകയായിരുന്നു. പരിക്കേറ്റ നാല് പേരില്‍ ഒരാളുടെ നില അതീവ ഗുരുതരമാണ്. ഇവരെ കോഴിക്കോട് മെഡിക്കൽ കോളേജിൽ പ്രവേശിപ്പിച്ചിട്ടുണ്ട്.
സ്ഥലത്ത് പോലീസ് എത്തി നടപടികള്‍ ആരംഭിച്ചിട്ടുണ്ട്. കെട്ടിടത്തിനുണ്ടായ ബലക്ഷയമാണോ അപകടത്തിന് കാരണമെന്ന് പരിശോധിക്കും.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
