കോഴിക്കോട്: കോഴിക്കോട് ലഹരി വേട്ട പതിവാകുന്നു. മിക്ക കേസുകളിലും യുവാക്കളാണ് പ്രതികള്‍. കാറിൽ കഞ്ചാവ് കടത്തുന്നതിനിടെ ഉൾപ്പെടെ ദമ്പതികൾ മൂന്ന് പേർ അറസ്റ്റിലായി. നല്ലളം സ്വദേശികളായ അരീക്കാട് ഹസന്‍ഭായ് വില്ലയില്‍ പിഎം ഷംജാദ് (25) ഭാര്യ അനീഷ (23), പുല്ലാനിപറമ്ബ് ബൈത്തുല്‍ ഹലയില്‍ ബിഎം അഹമ്മദ് നിഹാല്‍ (26) എന്നിവരാണ് പിടിയിലായത്‌. ഇവരുടെ സംഘത്തിലുണ്ടായിരുന്ന ഒരാള്‍ ഓടി രക്ഷപ്പെട്ടതായി പൊലീസ് പറഞ്ഞു. കെ.എല്‍. 08 എ.ടി 1234 നമ്ബര്‍ കാറിലാണ് ഇവര്‍ കഞ്ചാവ് കടത്തിയത്.
നോര്‍ത്ത് ട്രാഫിക് എ.സി.പി രാജുവിന് ലഭിച്ച രഹസ്യ വിവരത്തിന്‍െറ അടിസ്ഥാനത്തിലാണ് പരിശോധന നടത്തിയത്. നഗരത്തിലെ വിവിധ ഭാഗങ്ങളില്‍ പൊലീസ് കെെ കാണിച്ചിട്ടും നിറുത്താതെ പോയ വാഹനം മറ്റ് പല വാഹനങ്ങളിലും ഇടിച്ചിട്ടുണ്ട്. വാഹനം പോലീസ് പിന്തുടരുന്നതിനിടെ കോഴിക്കോട് മെഡിക്കൽ കോളേജിന് സമീപം അപകടത്തിൽപ്പെട്ടു. പ്രതികളെ ചോദ്യം ചെയ്യുകയാണെന്നും കഞ്ചാവ് എവിടെ നിന്നാണ് വന്നതെന്ന് കണ്ടെത്തുമെന്നും പോലീസ് പറഞ്ഞു. മെഡിക്കല്‍ കോളേജ് പരിസരത്ത് നിന്ന് സി.ഐ ബെന്നി ലാലുവിന്‍െറ നേതൃത്വത്തിലാണ് വാഹനം പിടി കൂടിയത്.
പൊലീസ് പരിശോധനയില്‍ നിന്നും രക്ഷപ്പെടാമെന്ന് കരുതി സ്ത്രീകളെയും കഞ്ചാവ് കടത്ത് സംഘങ്ങളില്‍ പ്രതികള്‍ ഉപയോഗിക്കുന്നുവെന്നും പൊലീസ് പറയുന്നു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
