കോഴിക്കോട്: വടകര അഴിയൂർ ദേശീയപാതയിൽ കെഎസ്ആർടിസി സൂപ്പർ ഫാസ്റ്റ് ബസും സ്വകാര്യ ലിമിറ്റഡ് സ്റ്റോപ്പ് ബസും കൂട്ടിയിടിച്ച് നിരവധി പേർക്ക് പരിക്ക്. ഇന്ന് രാവിലെ എട്ടരയോടെയാണ് അപകടം. അമിതവേഗതയിലെത്തിയ ബസുകൾ തമ്മിൽ കൂട്ടിയിടിക്കുകയായിരുന്നു. പരിക്കേറ്റവരെ വടകര ജില്ലാ ആശുപത്രിയിലും പാർക്കോ ആശുപത്രിയിലും മാഹി സർക്കാർ ആശുപത്രിയിലും പ്രവേശിപ്പിച്ചു.
തൃശൂരില് നിന്നും തലശേരി ഭാഗത്തേക്ക് പോകുകയായിരുന്ന കെ.എസ്.ആര്.ടി.സി. സൂപ്പര്ഫാസ്റ്റും തലശേരി ഭാഗത്ത് നിന്നും കോഴിക്കോടേക്ക് പോകുകയായിരുന്ന പ്രതിക എന്ന സ്വകാര്യ ലിമിറ്റഡ് സ്റ്റോപ്പ് ബസുമാണ് കൂട്ടിയിടിച്ചത്.
ഇടിയുടെ ആഘാതത്തില് കെ.എസ്.ആര്.ടി സി ഡ്രൈവര് സ്റ്റിയറിംങ്ങിനുളളിയിലായി കുടുങ്ങി കിടന്നതിനാല് വെട്ടി പൊളിച്ചാണ് പുറത്തെടുത്തത്. ഇരു ബസുകളുടെയും മുൻവശം തകര്ന്നു. രണ്ട് ബസുകളിലെയും യാത്രക്കാര്ക്ക് അപകടത്തില് പരിക്കേറ്റു. ആരുടെയും പരിക്ക് ഗുരുതരമല്ലെന്നാണ് റിപ്പോര്ട്ട്. വടകരയില് നിന്നും അഗ്നി രക്ഷ സേനയും ചോമ്ബാല പോലീസും സ്ഥലത്തെത്തി രക്ഷാപ്രവര്ത്തനം നടത്തി. നാട്ടുകാരും രക്ഷാപ്രവര്ത്തനത്തില് പങ്കാളിയായി.
ഇരു ബസുകളും അമിത വേഗത്തിലായിരുന്നുവെന്ന് ദൃക്സാക്ഷികള് പറഞ്ഞു. ചോമ്ബാല പൊലീസ് കേസെടുത്തിട്ടുണ്ട്. ഓഫീസ് സമയമായതിനാല് ഇരു ബസുകളിലും നല്ല തിരക്ക് ഉണ്ടായിരുന്നു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.