നോട്ട് നിരോധന കാലയളവിൽ ചന്ദ്രികയുടെ മറവിൽ 10 കോടി രൂപ കളളപ്പണം വെളുപ്പിച്ചതുമായി ബന്ധപ്പെട്ട് കുഞ്ഞാലിക്കുട്ടി ഇഡിക്ക് മുന്നിൽ ഹാജരാകാൻ സമയം തേടി. നാളെ ഹാജരാകുന്നത് ബുദ്ധിമുട്ടാണെന്നും മറ്റൊരു ദിവസത്തേക്ക് മാറ്റണമെന്നും രേഖാമൂലം എൻഫോഴ്സ്മെന്റിനെ അറിയിച്ചു. എന്നിരുന്നാലും, ED പ്രതികരിച്ചില്ല. നാളെ ഹാജരാകാൻ കുഞ്ഞാലിക്കോട്ടിക്ക് നോട്ടീസ് നൽകി. മറ്റൊരു ദിവസം ഹാജരാകാൻ അദ്ദേഹത്തിന്റെ മകൻ ആഷിക്കും നോട്ടീസ് നൽകിയിട്ടുണ്ട്.
ചന്ദ്രികയുടെയും ലീഗ് സ്ഥാപനങ്ങളുടെയും മറവിൽ കുഞ്ഞാലിക്കുട്ടിയുടെ കള്ളപ്പണം വെളുപ്പിച്ചതിന്റെ തെളിവുകൾ മുൻ മന്ത്രിയും എംഎൽഎയുമായ കെടി ജലീൽ ഇഡിക്ക് കൈമാറിയിരുന്നു. ഇഡി ആവശ്യപ്പെട്ടതനുസരിച്ചാണ് താൻ എത്തിയതെന്ന് ജലീൽ പറഞ്ഞു. കെടി ജലീൽ രാവിലെ 10 മണിയോടെ ഇഡി ഓഫീസിലെത്തി. കുഞ്ഞാലിക്കുട്ടിക്കെതിരായ അടിസ്ഥാന വിവരങ്ങളും തെളിവുകളും നല്‍കി അദ്ദേഹം 4 മണിക്ക് മടങ്ങി. പാലാരിവട്ടം പാലം അഴിമതിയിലൂടെ ലഭിച്ച പണമാണ് നോട്ട് നിരോധന കാലയളവിൽ ചന്ദ്രിക ദിനപ്പത്രത്തിന്റെ മറവിൽ വെളുപ്പിച്ചതെന്നാണ് കേസിലെ പ്രധാന ആരോപണം.
ചന്ദ്രികയിലെ 10 കോടി രൂപയുടെ കള്ളപ്പണ ഇടപാടിനെക്കുറിച്ച് ഇഡിയും ആദായ നികുതി വകുപ്പും നേരത്തെ അന്വേഷണം ആരംഭിച്ചിരുന്നു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
