കോഴിക്കോട് : പെരുമണ്ണ ഡ്രൈവിംഗ് സ്‌കൂള്‍ ഗ്രൌണ്ടിന് സമീപം നിര്‍ത്തിയിട്ടിരുന്ന ലോറി മോഷണം നടത്തിയ കേസിലെ പ്രതികളെ പോലീസ് പിടികൂടി.എന്‍ഐടി പുല്ലാവൂര്‍ സ്വദേശി കിഴക്കെയില്‍ വീട്ടില്‍ കെ.കെ ബഷീര്‍ ,പെരുമണ്ണ വെള്ളായിക്കോട് സ്വദേശിയായ കക്കില്‍ വീട്ടില്‍ സലീം എന്നിവരെയാണ് പന്തീരാങ്കാവ് പോലീസ് അറസ്റ്റ് ചെയ്തത്.
2024 ഡിസംബര്‍ 14 ന് പെരുമണ്ണ സ്വദേശിയായ ഷംസുദ്ദീന്റെ ലോറി മോഷണം പോയതുമായി ബന്ധപ്പെട്ട് പന്തീരാങ്കാവ് പോലീസ് സ്റ്റേഷനില്‍ കേസ്സ് രജിസ്റ്റര്‍ ചെയ്ത് അന്വേഷണം നടത്തിവരവെ കട്ടാങ്ങലില്‍ ഉള്ള രഹസ്യ കേന്ദ്രത്തില്‍ നിന്നു വാഹനം കണ്ടെത്തുകയായിരുന്നു.
പന്തിരങ്കാവ് എസ് ഐ സനീഷിന്റെ നേതൃത്വത്തിലുള്ള പോലീസ് സംഘമാണ് കേസ് അന്വേഷിച്ചത്. ലോറി തട്ടിക്കൊണ്ട് പോയി രഹസ്യ കേന്ദ്രത്തില്‍ വെച്ച്‌ പൊളിച്ച്‌ വില്‍ക്കാനായിരുന്നു ഇവരുടെ പ്ലാന്‍.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
