മാവൂർ: പ്രസ്സ്ലൈവ് ഏഷ്യൻഗ്രാഫ് ജേർണലിസ്റ്റ് ആന്റ് റിപ്പോർട്ടേഴ്സ് അസോസിയേഷൻ ഏർപ്പെടുത്തിയ മികച്ച മാധ്യമ കൂട്ടായ്മയ്ക്കുള്ള അവാർഡ് മുൻ മന്ത്രി സി.കെ നാണുവിൽ നിന്ന് മാവൂർ പ്രസ്സ് ക്ലബ്ബ് ഭാരവാഹികൾ ഏറ്റുവാങ്ങി. മാധ്യമ പ്രവർത്തനത്തിനപ്പുറം സാമൂഹ്യ സാംസ്കാരിക മേഖലകളിൽ ശ്രദ്ദേയമായ പ്രവർത്തനം കാഴ്ച വെച്ചതിനാണ് അവാർഡ്.
മാവൂർ അൽഹുദ പ്രീ സ്കൂൾ ഓഡിറ്റോറിയത്തിൽ നടന്ന ചടങ്ങ് സി.കെ നാണു ഉദ്ഘാടനം ചെയ്തു. ഡോ. സി.കെ ഷമീം അധ്യക്ഷത വഹിച്ചു. അഡ്വ. പി.ടി.എ റഹീം എം.എൽ.എ മുഖ്യാതിഥിയായിരുന്നു. ചാത്തമംഗലം ഗ്രാമപഞ്ചായത്ത് പ്രസിഡന്റ് ഓളിക്കൽ ഗഫൂർ, മാവൂർ ഗ്രാമപഞ്ചായത്ത് പ്രസിഡന്റ് വാസന്തി വിജയൻ, വയനാട് ജില്ലാ പഞ്ചായത്ത് സ്റ്റാന്റിംഗ് കമ്മിറ്റി ചെയർമാൻ ജുനൈദ് കൈപ്പാണി, അഡ്വ. കെ.ബി അനൂപ്, നസീമ ടീച്ചർ, സലാഹുദ്ദീൻ ഒളവട്ടൂർ, ശ്രീലക്ഷ്മി ടി, മുഹമ്മദ് റാഫി എം എന്നിവർ സംസാരിച്ചു. ഡോ. കെ റിയാസ് സ്വാഗതവും മുഹമ്മദ് ജസീൽ നന്ദിയും പറഞ്ഞു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
