മാവൂർ: മാവൂർ മർച്ചന്റ് അസോസിയേഷൻ സംഘടിപ്പിക്കുന്ന ‘മാവൂരോണം 2024’ ഷോപ്പിംഗ് ഫെസ്റ്റിവൽ സെപ്റ്റംബർ 6 മുതൽ 25 വരെ മാവൂരിൽ നടക്കുമെന്ന് മാവൂർ മർച്ചന്റ് അസോസിയേഷൻ ഭാരവാഹികൾ വാർത്താസമ്മേളനത്തിൽ അറിയിച്ചു.
മാവൂരിലെ കടകളിൽനിന്ന് ഈ ദിവസങ്ങളിൽ ഷോപ്പിംഗ് നടത്തുന്നവർക്ക് ലഭിക്കുന്ന കൂപ്പൺ വഴി നറുക്കെടുപ്പിലൂടെ വിവിധ സമ്മാനങ്ങളും ദിനേന നറുക്കെടുപ്പിലൂടെ പ്രോത്സാഹന സമ്മാനങ്ങളും വിതരണം ചെയ്യും. മാത്രമല്ല, സെപ്തംബർ 28 ന് നറുക്കെടുപ്പിലൂടെ മെഗാ സമ്മാനമായി സ്വർണനാണയങ്ങളും നൽകുമെന്നും അവർ പറഞ്ഞു.
വാർത്താസമ്മേളനത്തിൽ മാവൂർ മർച്ചന്റ് അസോസിയേഷൻ പ്രസിഡണ്ട് സാഹിർ കെ.വി, ജനറൽ സെക്രട്ടറി അഷറഫ് ബാബു വളപ്പിൽ, ട്രഷറർ അബ്ദുൽ റസാഖ് വി.കെ, രാമമൂർത്തി, അബ്ദുൽ അസീസ് സി.കെ, പി. അബ്ദുൽ ലത്തീഫ്, പി.എം ബഷീർ, അബ്ദുൽ ലത്തീഫ് കെ.എ എന്നിവർ സംബന്ധിച്ചു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
