കോഴിക്കോട്: സ്വകാര്യഭാഗത്ത് അതിമാരകമായി പരിക്കേറ്റ ഒന്നര വയസ്സുകാരി ഗുരുതരാവസ്ഥയില്. കോഴിക്കോട് മെഡിക്കല്കോളേജ് മാതൃശിശു സംരക്ഷണകേന്ദ്രത്തിലാണ് കുഞ്ഞ് ഇപ്പോഴുള്ളത്.
ഈ മാസം 22നാണ് കുഞ്ഞിനെ അമ്മയും അമ്മൂമ്മയും ചേര്ന്ന് ആശുപത്രിയിലെത്തിച്ചത്. കുഞ്ഞിന് എന്താണ് സംഭവിച്ചതെന്ന് തങ്ങള്ക്കറിയില്ലെന്നാണ് ഇരുവരും ആശുപത്രി അധികൃതരോട് പറഞ്ഞിരിക്കുന്നത്. കുഞ്ഞിന്റെ കുടലിലും മലദ്വാരത്തിനുംവരെ പരിക്കേറ്റിട്ടുണ്ട്.
സംഭവം നടന്ന് രണ്ടുദിവസത്തിന് ശേഷമാണ് കുട്ടിയെ ആശുപത്രിയിലെത്തിച്ചതെന്ന് അധികൃതര് പറഞ്ഞു. കുട്ടിയുടെ പിതാവ് മൈസൂരിലാണെന്നാണ് അമ്മ പറയുന്നത്. കുഞ്ഞിന് പരിക്കേറ്റ സംഭവത്തില് പരാതിയില്ലെന്നുമാണ് വീട്ടുകാരുടെ നിലപാട്. പരിക്കേറ്റതിന്റെ ഫലമായ ആന്തരികാവയങ്ങള് തകര്ന്നിരുന്നു. അടിയന്തരമായി കൊളോസ്റ്റമി ശസ്ത്രക്രിയയ്ക്ക് വിധേയയായ കുട്ടി പീഡിയാട്രിക് ഐ.സി.യു.വില് ചികിത്സയിലാണ്.
ആശുപത്രി അധികൃതര് തന്നെ പന്നിയങ്കര പോലീസിലേക്ക് രണ്ടുതവണ റിപ്പോര്ട്ടു ചെയ്തെങ്കിലും പോലീസ് ഇതുവരെ ഒരു നടപടിയും സ്വീകരിച്ചിട്ടില്ല എന്ന ആക്ഷേപമുണ്ട്. കുട്ടിയുടെ സ്വകാര്യഭാഗത്ത് നിന്നുള്ള വിവിധ സാംപിളുകള് ശേഖരിച്ചുവച്ചിട്ടുണ്ട്. എന്നാല്, ഈ സാംപിളുകള് 72 മണിക്കൂറിനുള്ളില് കെമിക്കല് പരിശോധനയ്ക്കായി ലാബിലെത്തിക്കേണ്ട പോലീസ് ഇത് സ്വീകരിച്ചിട്ടില്ല. സാംപിളുകള് സമയത്ത് ലാബില് എത്തിച്ചില്ലെങ്കില് നഷ്ടപ്പെടുന്നത് സുപ്രധാനമായ തെളിവുകളാണ്.
ശിശുക്ഷേമ സമിതി (സി.ഡബ്ള്യു.സി.) യിലേക്ക് വിവരം കൈമാറിയിട്ടുണ്ടെന്ന് പോലീസ് അറിയിച്ചതായും അതേസമയം, തങ്ങളും സി.ഡബ്ള്യുയു.സി. യെ കാര്യങ്ങള് ധരിപ്പിച്ചിട്ടുണ്ടെന്നും എന്നാല്, ഇതുവരെ മറുപടിയൊന്നും ലഭിച്ചിട്ടില്ലെന്നും ആശുപത്രി അധികൃതര് പറഞ്ഞു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.