കോഴിക്കോട്: കോഴിക്കോട് പൂവാട്ടുപറമ്പ് പാറയിൽ ബസ് സ്റ്റോപ്പിന് സമീപം ഇന്നോവ കാർ നിയന്ത്രണം വിട്ട് കടകളിലേക്ക് ഇടിച്ച് കയറി അഞ്ച് പേർക്ക് പരിക്കേറ്റു. പരിക്കേറ്റ അഞ്ചുപേരെയും കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
റോഡരികില്‍ നിന്നവര്‍ക്കാണ് പരിക്കേറ്റത്. പരിക്ക് ഗുരുതരമല്ല. പത്തരയോടെയാണ് അപകടം. എടവണ്ണപ്പാറയിൽ നിന്ന് കോഴിക്കോട്ടേക്ക് വരികയായിരുന്ന ഇന്നോവ കാർ പാറയില്‍ വളവില്‍ വെച്ച്‌ നിയന്ത്രണം വിട്ട് വിന്‍റേജ് റോയല്‍ എൻഫീല്‍ഡ് വർക്ക് ഷോപ്പിലേക്കും തൊട്ടടുത്തെ ടൈല്‍ കടയിലേക്കും ഇടിച്ചു കയറുകയായിരുന്നു. റോഡരികിലും വർക്ക് ഷോപ്പിലും പാർക്ക് ചെയ്തിരുന്ന ഏതാനും വാഹനങ്ങൾക്കും കേടുപാടുകൾ സംഭവിച്ചു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
