കോഴിക്കോട് ചാത്തമംഗലം കളംന്തോട് എംഇഎസ് കോളേജില് ബിരുദ വിദ്യാര്ത്ഥിയെ സീനിയര് വിദ്യാര്ത്ഥികള് ക്രൂരമായി റാഗ് ചെയ്തെന്ന പരാതിയില് ആറു സീനിയര് വിദ്യാര്ത്ഥികളുടെ അറസ്റ്റ് പൊലീസ് രേഖപ്പെടുത്തി. കുന്ദമംഗലം പൊലീസാണ് വിദ്യാര്ത്ഥികളുടെ അറസ്റ്റ് രേഖപ്പെടുത്തിയത്.
ആറു പേരും രണ്ടാം വര്ഷ ബിരുദ വിദ്യാര്ത്ഥികളാണ്. നൗഷിൽ റഹ്മാൻ, മുഹമ്മദ് സിനാൻ, മുഹമ്മദ് അജ്നാസ്, മുഹമ്മദ് അനസ്, മുഹമ്മദ് ജാസിം, മുഹമ്മദ് ഷഫീർ എന്നിവരുടെ അറസ്റ്റാണ് പൊലീസ് രേഖപ്പെടുത്തിയത്. ഇൻസ്റ്റഗ്രാമിൽ ഫോട്ടോ പോസ്റ്റ് ചെയ്തതിനാണ് ഒന്നാം വർഷ വിദ്യാർത്ഥിയെ ക്രൂരമായി മർദിച്ചത്. സംഭവത്തില് പൊലീസ് കേസെടുത്ത് നടപടി സ്വീകരിക്കുകയായിരുന്നു. വധശ്രമം ഉള്പ്പെടെയുള്ള വകുപ്പുകളാണ് വിദ്യാര്ത്ഥികള്ക്കെതിരെ ചുമത്തിയിരിക്കുന്നത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.