ത്യാഗത്തിന്റെ സ്മരണയിൽ ഗൾഫ് രാജ്യങ്ങൾ ഇന്ന് ബലിപെരുന്നാൾ ആഘോഷിക്കുന്നു. ഒമാൻ ഉൾപ്പെടെ എല്ലാ ഗൾഫ് രാജ്യങ്ങളിലും ഇന്നാണ് ഈദ്. പള്ളികളിൽ പെരുന്നാൾ നമസ്‍കാരവും പ്രാർത്ഥനകളും നടന്നു.
യുഎഇയിലെ വിവിധ എമിറേറ്റുകളിൽ മലയാളികളുടെ നേതൃത്വത്തിൽ ഈദ്ഗാഹുകൾ ഒരുക്കിയിരുന്നു. കേരളത്തിൽ നാളെയാണ് ബലിപെരുന്നാൾ. അല്ലാഹുവിന്റെ കൽപ്പന മാനിച്ച് തന്റെ മകൻ ഇസ്മാഈലിനെ ബലിയർപ്പിക്കാൻ ഇബ്രാഹിം നബി ധൈര്യം കാണിച്ചതിന്റെ സ്മരണ പുതുക്കിയാണ് വിശ്വാസികൾ ബലി പെരുന്നാൾ ആഘോഷിക്കുന്നത്.
ഇതിന്റെ പ്രതീകമായാണ് ഈ ദിവസം മൃഗബലി നടത്തുന്നത്. ബലി എന്നര്‍ഥമുള്ള അദ്ഹ എന്ന അറബിക് പദത്തില്‍ നിന്നാണ് ഈദുല്‍ അദ്ഹ അഥവാ ബലിപെരുന്നാള്‍ എന്ന വാക്ക് ഉരുത്തിരിഞ്ഞത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
