കോഴിക്കോട് മലാപ്പറമ്പിൽ ജല അതോറിറ്റിയുടെ ബോർഡ് ഉള്ള വാഹനത്തിൽ ചന്ദനം കടത്തിയ അഞ്ച് പേർ പിടിയില്‍. കരാർ അടിസ്ഥാനത്തിൽ ഓടുന്ന കാറിലാണ് ചന്ദനം കടത്തിയത്. ഡ്രൈവർ ഉൾപ്പെടെ അഞ്ചുപേരെ വനംവകുപ്പ് പിടികൂടി. വാഹനത്തിൽ നിന്ന് 35 കിലോ ചന്ദനം പിടികൂടി.
ഒളവണ്ണ സ്വദേശി ഷാജുദ്ദീൻ, നല്ലളം സ്വദേശി നൗഫല്‍, പന്തീരാങ്കാവ് സ്വദേശികളായ മണി, ശ്യാമപ്രസാദ്, അനില്‍ എന്നിവരാണ് പിടിയിലായത്.
കോഴിക്കോട് ഫ്ലയിങ് സ്ക്വാഡ് റേഞ്ച് ഓഫീസർ എ.പി.ശ്രീജിത്തിൻ്റെ നേതൃത്വത്തിലാണ് ചന്ദനം പിടികൂടിയത്. കൂടുതൽ അന്വേഷണത്തിനായി പ്രതികളെ താമരശ്ശേരി റേഞ്ച് ഓഫീസർക്ക് കൈമാറി.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
