മാവൂർ: ഓൺലൈൻ പഠനത്തിനായി ഫോൺ ഇല്ലാത്ത കുട്ടിക്ക് ഫോൺ നൽകി വശീകരിക്കാൻ ശ്രമിച്ച യുവാവിനെ പോലീസ് പിടികൂടി. താത്തൂർ സ്വദേശിയായ ജംഷാദ് (36) നെയാണ് പോക്സോ വകുപ്പ് പ്രകാരം മാവൂർ പോലീസ് അറസ്റ്റ് ചെയ്തത്. മാവൂർ പോലീസിന് ലഭിച്ച പരാതിയുടെ അടിസ്ഥാനത്തിലായിരുന്നു അറസ്റ്റ്. നേരത്തേ മറ്റൊരു കുട്ടിയെ പീഡിപ്പിച്ച കേസിൽ മുക്കം പോലീസ് ഇയാളെ അറസ്റ്റ് ചെയ്തിരുന്നു. ഫോൺ ഇല്ലാത്ത കുട്ടിയുടെ വീട്ടുകാരുമായി സൗഹൃദം സ്ഥാപിച്ചാണ് പ്രതി കുട്ടിയെ വശീകരിക്കാൻ ശ്രമിച്ചത്.
ചോദ്യം ചെയ്തതിന് ശേഷം പോക്സോ കേസുകൾ കൈകാര്യം ചെയ്യുന്ന പ്രത്യേക കോടതിയിൽ പ്രതിയെ ഹാജരാക്കി. മാവൂർ പ്രിൻസിപ്പൽ എസ്ഐ വി.ആർ.രേഷ്മ, എ.എസ്.ഐ. സജീഷ്, സീനിയർ സിവിൽ പോലീസ് ഓഫീസർ പ്രദീപ്, സിവിൽ പോലീസ് ഓഫീസർമാരായ ബിജു, എം.സി. ലിജുലാലും സുമോദും അറസ്റ്റിനു നേതൃത്വം നൽകി.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
