കോഴിക്കോട്: കുഞ്ഞു കൈകളില്‍ ഓടക്കുഴലുമായി വാർമുടിക്കെട്ടില്‍ മയില്‍പ്പീലി വച്ച്‌ കള്ളച്ചിരിയുമായ് കുഞ്ഞ് അമ്പാടിക്കണ്ണന്മാരും ഗോപികമാരും നഗരവീഥികള്‍ കീഴടക്കും. അമ്പാടി കണ്ണന്മാരും ഗോപികമാരും നിറഞ്ഞ നഗരവീഥികളും ക്ഷേത്രമുറ്റങ്ങളും ഭക്തരുടെ മനസ്സിന് ആനന്ദം പകരും. ഉണ്ണിക്കണ്ണനെ വരവേൽക്കാൻ നാടാകെ ഒരുങ്ങിക്കഴിഞ്ഞു. കോഴിക്കോട് ജില്ലയിൽ വർണാഭമായ ഘോഷയാത്രകൾ നടക്കും.
ബാലഗോകുലം കോഴിക്കോട് ജില്ലയിൽ ആയിരം ശോഭായാത്രകൾ സംഘടിപ്പിക്കുന്നുണ്ട്. മുഴുവൻ ആഘോഷങ്ങളിലും വയനാട് പുനരധിവാസത്തിൻ്റെ ഭാഗമായി സ്നേഹനിധി സമർപ്പിക്കും. പരിസ്ഥിതിയെയും ദേശീയതയേയും ഒരുപോലെ പ്രകാശിപ്പിക്കുന്ന ‘പുണ്യമീ മണ്ണ്; പവിത്രമീ ജന്മം’ എന്നതാണ് ശ്രീകൃഷ്ണ ജയന്തിയുടെ സന്ദേശം. നഗരത്തില്‍ വെള്ളയില്‍ തൊടിയില്‍ ഭഗവതി ക്ഷേത്രം, അഴകൊടി ദേവീക്ഷേത്രം,എരഞ്ഞിപ്പാലം തായാട്ട് ഭഗവതി ക്ഷേത്രം, ആഴ്ചവട്ടം ഹിന്ദു സേവാ സമിതി, പന്നിയങ്കര ജംഗ്ഷൻ എന്നിവിടങ്ങളില്‍ നിന്ന് ആരംഭിക്കുന്ന ശോഭായാത്രകള്‍ ശ്രീകണ്‌ഠേശ്വര ക്ഷേത്രത്തില്‍ നിന്നാരംഭിക്കുന്ന ശോഭായാത്രയുമായി സംഗമിച്ച്‌ മഹാശോഭായാത്രയായി മുതലക്കുളം അന്നപൂർണ്ണേശ്വരീ ക്ഷേത്രപരിസരത്ത് ഒരുക്കുന്ന അമ്പാടിയില്‍ പ്രസാദ വിതരണത്തോടെ സമാപിക്കും.
പെരുമണ്ണ 14 പ്രാദേശിക ശോഭായാത്രകള്‍ പെരുമണ്ണ ക്രഷറിന്റെ സമീപത്ത് എത്തിച്ചേർന്ന് മഹാശോഭായാത്രയായി പെരുമണ്ണ അങ്ങാടിയില്‍ കൂടി പെരുമണ്ണ മില്ലിനടുത്തു നിന്ന് തിരിച്ച്‌ പെരുമണ്ണ യു.പി. സ്‌ക്കൂളില്‍ സമാപിക്കും.
പാലാഴി, പയ്യടിമേത്തല്‍ ഭാഗങ്ങളിലെ എട്ട് പ്രാദേശിക ശോഭായാത്രകള്‍ വടക്കേ ചാലില്‍ റോഡില്‍ മഹാ ശോഭായാത്രയായി പാലാഴി , പാല വഴി പാലാഴി ബൈപ്പാസില്‍ നിന്നും തിരിച്ച്‌ പാലാഴിമഠം വിഷ്ണു ക്ഷേത്രത്തില്‍ സമാപിക്കും. കുന്നത്തുപാലം ഒളവണ്ണ മേഖലയില്‍ 18 പ്രാദേശിക ശോഭായാത്രകള്‍ മാത്തറ എത്തി മഹാശോഭായാത്രയായി കുന്നത്തുപാലം വഴി പാലകുറുംബ ക്ഷേത്രത്തില്‍ സമാപിക്കും. കോവൂർ വിഷ്ണുക്ഷേത്രത്തില്‍ നിന്ന് ആരംഭിക്കുന്ന ശോഭായാത്ര മെഡിക്കല്‍ കോളേജ് വഴി കോവൂരില്‍ സമാപിക്കും. മുണ്ടിക്കല്‍ താഴത്തു നിന്ന് ആരംഭിക്കുന്ന ശോഭായാത്ര ചെലവൂരില്‍ സമാപിക്കും.
വെള്ളിപറമ്ബില്‍ നിന്ന് ആരംഭിക്കുന്ന ശോഭായാത്ര ചെലവൂരിലും ,കുരുവട്ടൂർ ശ്രീ പുല്ലാട്ട് ഭഗവതി ക്ഷേത്ര പരിസരത്തുനിന്ന് ആരംഭിക്കുന്ന പ്രധാനശോഭായാത്ര പൊട്ടം മുറി ജംഗ്ഷനില്‍ പടിഞ്ഞാറ്റുമുറി ശ്രീ കൊളായില്‍ ഭദ്രകാളിക്ഷേത്രത്തില്‍ നിന്ന് ആരംഭിക്കുന്ന ശോഭയാത്രയുമായും, മല്ലിശ്ശേരി താഴത്ത് എത്തുമ്ബോള്‍ ചെറുവറ്റ മഠത്തില്‍ കുന്നുമ്മല്‍ മഹാവിഷ്ണുക്ഷേത്ര പരിസര ത്തുനിന്ന് ആരംഭിക്കുന്ന ശോഭയാത്രയുമായും പറമ്ബില്‍ ബസ് സ്റ്റാൻഡ് പരിസരത്ത് എത്തുമ്ബോള്‍ കിരാലൂർ കരമ്ബയില്‍ മുക്കില്‍ നിന്നും ആരംഭിക്കുന്ന ശോഭയാത്രയുമായും കൂടിച്ചേർന്ന് മഹാശോഭയാത്രയായി പറമ്ബില്‍ ബസാർ അമ്ബാടിയില്‍ പ്രസാദ വിതരണത്തോടെ സമാപിക്കും.
മലാപ്പറമ്ബ് വനിതാ പോളിടെക്‌നിക് പരിസരത്ത് നിന്ന് ആരംഭിക്കുന്ന ശോഭയാത്ര പാറോപ്പടി വഴി വെള്ളിമാട്കുന്ന് മാതാ അമൃതാനന്ദമയി മഠത്തിലും പിലാഞ്ചേരി പൊയിലില്‍ ഭഗവതി കാവില്‍ നിന്ന് ആരംഭിക്കുന്ന ശോഭയാത്ര കാരന്തൂർ ഹരഹര മഹാദേവ ക്ഷേത്രത്തിലും സമാപിക്കും.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
