മാവൂര്‍: തെങ്ങിലക്കടവ്-പള്ളിയോള്‍-കല്‍പ്പള്ളി നീര്‍ത്തടത്തില്‍ വിരുന്നെത്തിയ ദേശാടനക്കിളികളെപ്പറ്റി അറിയാനും പഠിക്കാനും അധ്യാപകസംഘമെത്തി. കോഴിക്കോട് ബി.ആര്‍.സിയുടെ കീഴില്‍ ഫറോക്ക് വിദ്യാഭ്യാസ ഉപജില്ലയില്‍പെട്ട സ്കൂളുകളിലെ അധ്യാപകരാണ് മാവൂരിലേക്ക് പഠനയാത്ര നടത്തിയത്. ഏതാനും വിദ്യാര്‍ഥികളും സംഘത്തിലുണ്ടായിരുന്നു.
വിദ്യാര്‍ഥികള്‍ക്ക് പകര്‍ന്നുെകാടുക്കുന്നതിന് പക്ഷികളെ നേരിട്ട് നിരീക്ഷിച്ച്‌ അറിയുകയാണ് ലക്ഷ്യം. പക്ഷിനിരീക്ഷകനും സീനിയര്‍ ഫോട്ടോഗ്രാഫറുമായ പി.ടി. മുഹമ്മദ് ക്ലാസെടുത്തു. ചാലിയാര്‍ പുഴയും സംഘം സന്ദര്‍ശിച്ചു. ഫറോക്ക് ഉപജില്ല എ.ഇ.ഒ അജിത് കുമാറിന്‍െറ നിര്‍ദേശപ്രകാരമാണ് മാവൂരില്‍ എത്തിയത്. രാമനാട്ടുകര ഗവ. യു.പി സ്കൂളിലെ ബി.സി. അബ്ദുല്‍ ഖാദര്‍, യാത്ര കണ്‍വീനര്‍ കൊളത്തറ ആത്മവിദ്യ സംഘം സ്കൂളിലെ കെ. മുജീബ് റഹ്മാന്‍ എന്നിവര്‍ നേതൃത്വം നല്‍കി.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
