കോഴിക്കോട്: നിപ ചികിത്സയ്ക്കായുള്ള മരുന്നുകള്‍ ബുധനാഴ്ച വൈകീട്ട് കോഴിക്കോട് എത്തിക്കുമെന്ന് ആരോഗ്യമന്ത്രി. ഐസിഎംആറുമായി ഇക്കാര്യം ചർച്ച ചെയ്തു. വിമാനമാർഗമാണ് മരുന്നുകൾ എത്തുന്നത്. നിപ രോഗിയുടെ റൂട്ട് മാപ്പ് ഇന്ന് പ്രസിദ്ധീകരിക്കുമെന്ന് മന്ത്രി നിയമസഭയിൽ പറഞ്ഞു.
കേരളത്തിൽ നിപ ഇൻസ്പെക്‌ഷൻ സംവിധാനമുണ്ട്. കോഴിക്കോട് മെഡിക്കൽ കോളേജിലും തോന്നയ്ക്കലിലെ വൈറോളജി ഇൻസ്റ്റിറ്റ്യൂട്ടിലും നിപ സ്ഥിരീകരിക്കാം. എന്നാൽ ഐസിഎംആർ മാനദണ്ഡങ്ങൾ അനുസരിച്ച് സാങ്കേതികമായി ഇത് പൂനെയിൽ നിന്ന് പ്രഖ്യാപിക്കണം. കേരളത്തിൽ കണ്ടുവരുന്നത് മനുഷ്യരിൽ നിന്ന് മനുഷ്യരിലേക്ക് പടരുന്ന വൈറസാണെന്നും മരണനിരക്ക് കൂടുതലും പടരാനുള്ള ശേഷി കുറവാണെന്നും വീണാ ജോർജ് പറഞ്ഞു.
അസ്വാഭാവികത മൂലമുള്ള രണ്ടാമത്തെ മരണം നിപ പരിശോധിക്കാൻ തീരുമാനിച്ചു. ഒരു റൂട്ട് മാപ്പ് സൃഷ്ടിച്ച് കോൺടാക്റ്റ് ലിസ്റ്റിലുള്ള എല്ലാവരെയും ഐസൊലേറ്റ് ചെയ്യും. കേന്ദ്രത്തിൽ നിന്നുള്ള ആരോഗ്യ വിദഗ്ധരുടെ സംഘം ഇന്ന് കോഴിക്കോട് സന്ദർശിക്കും. പൂനെ ഇൻസ്റ്റിറ്റ്യൂട്ട് ഓഫ് വൈറോളജിയിൽ നിന്നുള്ള മൊബൈൽ പരിശോധനാ സംഘവും ഐസിഎംആർ സംഘവും കോഴിക്കോട്ടെത്തും. ഇവർ ആരോഗ്യവകുപ്പ് ഉദ്യോഗസ്ഥർക്ക് ആവശ്യമായ നിർദേശം നൽകും.
അതേസമയം തിരുവനന്തപുരത്തെ മെഡിക്കൽ വിദ്യാർത്ഥി നിരീക്ഷണത്തിലാണ്. സംശയാസ്പദമായ രോഗലക്ഷണങ്ങളുമായി തിരുവനന്തപുരം മെഡിക്കൽ കോളേജിൽ ചികിത്സ തേടിയ ഡെന്റൽ കോളേജ് വിദ്യാർത്ഥിനി നിരീക്ഷണത്തിലാണ്. കൂടുതൽ പരിശോധനയ്ക്കായി ശരീരസ്രവങ്ങൾ പൂനെ ഇൻസ്റ്റിറ്റ്യൂട്ട് ഓഫ് വൈറോളജിയിലേക്ക് അയച്ചു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
