പയ്യോളി: കണ്ണൂരില്‍ നിന്ന് ഷൊർണൂരിലേക്കും തിരിച്ചുമുള്ള സ്പെഷല്‍ ട്രെയിനിന് പയ്യോളിയില്‍ സ്റ്റോപ് അനുവദിച്ചതായി ദക്ഷിണ റെയില്‍വേ പാലക്കാട് ഡിവിഷൻ അറിയിച്ചു.
ആഗസ്റ്റ് ഒന്നു മുതല്‍ ബുധൻ, വ്യാഴം, വെള്ളി, ശനി ദിവസങ്ങളില്‍ കണ്ണൂരില്‍ നിന്ന് ഷൊർണൂരിലേക്ക് പോകുന്ന 6032 ാം നമ്പർ ട്രെയിൻ രാവിലെ 8.57ന് ഒരു മിനിറ്റ് പയ്യോളിയില്‍ നിർത്തും. ചൊവ്വ, ബുധൻ, വ്യാഴം, വെള്ളി ദിവസങ്ങളില്‍ ഷൊർണൂരില്‍ നിന്ന് കണ്ണൂരിലേക്ക് പോകുന്ന 6031 ാം നമ്പർ ട്രെയിൻ വൈകീട്ട് 6.13ന് ജൂലൈ 31 മുതല്‍ ഒരു മിനിറ്റുമാണ് പയ്യോളിയില്‍ നിർത്തുക.
കഴിഞ്ഞ ജൂലൈ രണ്ടിനാണ് പുതിയ സ്പെഷല്‍ ട്രെയിൻ ഓടിത്തുടങ്ങിയത്. ഒക്ടോബർ 31 വരെയാണ് റെയില്‍വേ നിലവിലെ ട്രെയിൻ സർവിസ് പരീക്ഷണാടിസ്ഥാനത്തില്‍ അനുവദിച്ചിരിക്കുന്നത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
