തിരുവോണത്തിന് ഒരാഴ്ച മുമ്പ് തന്നെ അധികം പേരും ഓണക്കോടി വാങ്ങി കഴിഞ്ഞിട്ടുണ്ടാവും. കുട്ടികൾക്ക് കസവുമുണ്ടാണ് ഓണക്കോടിയായി സമ്മാനിക്കുന്നത്. എന്നാൽ ഇന്ന് കസവുമുണ്ടിന് പകരം പല തരത്തിലുള്ള വസ്ത്രങ്ങളും ഓണക്കോടിയായി ഇന്ന് നൽകാറുണ്ട്.ഓണം ആഘോഷിക്കാനുള്ള തിരക്കിലാണ് മലയാളികൾ. ചിങ്ങമാസത്തിലെ അത്തം നക്ഷത്രം മുതൽ തുടങ്ങുന്ന ഓണാഘോഷം തിരുവോണം നാളിൽ പ്രാധാന്യത്തോടെ ആഘോഷിക്കുകയും ചതയം നാൾ വരെ നീണ്ടു നിൽക്കുകയും ചെയ്യുന്നു. ഓണം എത്തുന്നതോടെ ഓണക്കോടി എല്ലാവർക്കും നൽകുകയും ഓണ നാളുകളിൽ പുതുവസ്ത്രം ധരിക്കുകയും ചെയ്യുന്നത് നമ്മൾ കാണുന്നുണ്ട്. മറ്റ് വസ്ത്രങ്ങളേക്കാൾ കസവ് വസ്ത്രങ്ങൾക്ക് തന്നെയാണ് ഓണസമയത്ത് പ്രാധാന്യം. എത്രയൊക്കെ മോഡേൺ വസ്ത്ര രീതികൾ ഇഷ്ടപ്പെടുന്നവരും ഓണനാളിൽ കസവുടുത്ത് മുല്ലപ്പൂ ചൂടി പരമ്പരാഗത രീതിയിലുള്ള ആഭരണങ്ങൾ അണിഞ്ഞു തനി മലയാളി മങ്കയാവാൻ ഇഷ്ടപ്പെടുന്നവരാണ് നമ്മൾ മലയാളികൾ ഏ റ്റവും കൂടുതൽ കസവ് സാരികളും മറ്റും വില്പന നടക്കുന്നതും ഓണക്കാലത്ത് തന്നെയാണ്. കസവ് സാരി മാത്രമല്ല, പുരുഷന്മാരുടെ കസവ് മുണ്ടും ഷർട്ടുകളും ഓണക്കാലത്ത് പ്രധാന കാഴ്ചയാണ്. മുമ്പ് കസവ് സാരിയെന്നാൽ വളരെ പരിമിതമായ ഡിസൈനുകളിൽ മാത്രമായിരുന്നു ലഭ്യമായിരുന്നത്. എന്നാൽ ഇപ്പോൾ എണ്ണമറ്റ ഡിസൈനുകളിൽ കസവ് സാരികൾ ലഭ്യമാണ്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
