കോഴിക്കോട്: കേരള സർക്കാരിൻ്റെ അഭിമാന പദ്ധതിയായ കെ എസ് ആർ ടി സി -സ്വിഫ്റ്റ് സർവീസിൻ്റെ തിരുവനന്തപുരം കോഴിക്കോട് സർവ്വീസ് ആരംഭിച്ചു. ആദ്യഘട്ടത്തിൽ 3 സർവീസുകളാണ് തുടക്കം കുറിച്ചിരിക്കുന്നത്. രാവിലെ 05:00 am, 07:30 pm, 10:20 pm എന്നിങ്ങനെയാണ് സർവീസുകൾ ക്രമീകരിച്ചിരിക്കുന്നത്. മൂന്നു ബസുകളും കൊല്ലം, ആലപ്പുഴ, എറണാകുളം, തൃശ്ശൂർവഴിയാണ് കോഴിക്കോടേയ്ക്ക് പുറപ്പെടുന്നത്.
കോഴിക്കോട് നിന്നും 04:35 pm, 07:00 pm 08:10 pm എന്നീ സമയക്രമത്തിലാണ് തിരികെ തിരുവനന്തപുരത്തേക്ക് പുറപ്പെടുന്നത്. 04:35 pm കോഴിക്കോട് -തിരുവനന്തപുരം സർവീസ് തൃശ്ശൂർ, മൂവാറ്റുപുഴ, കോട്ടയം, കൊട്ടാരക്കര വഴിയും, മറ്റു രണ്ടു സർവീസുകളും തൃശ്ശൂർ, എറണാകുളം, കൊല്ലം, ആലപ്പുഴ വഴിയുമാണ് സർവ്വീസ് നടത്തുന്നത്.
www.online.keralartc.com എന്ന വെബ് സൈറ്റിലൂടെയും “Ente KSRTC” എന്ന മൊബൈൽ ആപ്പിലൂടെയും ടിക്കറ്റുകൾ മുൻകൂട്ടി റിസർവ്വ് ചെയ്യാവുന്നതാണ്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
