പുകവലി ആരോഗ്യത്തിന് ഹാനികരമാണെന്ന് എല്ലാവർക്കും അറിയാം അതിന്റെ പാക്കറ്റിന് പുറത്ത് തന്നെ എഴുതിവച്ചിട്ടുണ്ടെങ്കില് പോലും അത് വാങ്ങി ഉപയോഗിക്കുന്നവരുടെ എണ്ണത്തില് വലിയ കുറവൊന്നും ഇല്ല . പുകവലി ശീലമാകുമ്പോഴാണ് ഇത് നിര്ത്താന് സാധിക്കാതെ വരുന്നത്.
അതിനാല് തന്നെ പുകവലി നിര്ത്തുവാന് തീരുമാനിക്കുമ്പോള് പ്രധാനമായും മനസിനെയാണ് നാം പരിഗണനയില് എടുക്കേണ്ടത്.പുകവലി എങ്ങനെ നിർത്താം എന്നതാണ് ഇനി പങ്കുവെക്കുന്നത്
പുകവലിക്കുന്നതിന് പിന്നിലും ഓരോരുത്തര്ക്കും അവരവരുടെതായ കാരണങ്ങള് കാണാം. ചിലര് ‘സ്ട്രെസ്’ കാരണമാക്കുമ്പോള്, മറ്റ് ചിലരാകട്ടെ ഭക്ഷണം കഴിച്ച ശേഷം ദഹനത്തിനാണെന്ന് പറയും മറ്റു ചിലർ ഒരു ‘രസത്തിന്’ എന്ന മറുപടിയാണ് നല്കാറ്.
കാരണം ഏതുമാകട്ടെ, നിങ്ങള്ക്ക് സ്വയം തോന്നുന്ന കാരണം എന്താണോ, അത് ഒരു കടലാസില് എഴുതിവയ്ക്കുക. അത് സ്വയം ബോധ്യത്തില് വയ്ക്കുകയും ചെയ്യുക. ശേഷം ആ കാരണം പ്രായോഗികമായി അഭിമുഖീകരിക്കേണ്ട സമയത്ത് മറ്റെന്തെങ്കിലും കാര്യങ്ങളിലേക്ക് ശ്രദ്ധ തിരിക്കുക.
പുകവലി ഒരു അളവ് വരെ മാനസികമായ ആസ്വാദനമാണ്. അതിനാല് തന്നെ സ്വയം പറ്റിക്കും വിധം മനസിനെ വഴിതിരിച്ചുവിട്ടുകൊണ്ട് പുകവലി നിയന്ത്രിക്കാന് സാധിക്കും. വെറുതെ ഒരു സ്ട്രോ വായില് വച്ച് ഊതി വിടുന്നത് പോലുള്ള കാര്യങ്ങള് ഇതിനായി ചെയ്യാം. മറ്റൊന്ന് നമ്മള് മാനസികമായി മോശം നിലയിലായിരിക്കുമ്പോള് പുകവലി നിര്ത്തുക എളുപ്പമല്ല. അതിനാല് സന്തോഷമായിരിക്കുമ്പോള് തന്നെ ഇത് നിയന്ത്രിച്ച് പരിചയിക്കുക. പുകവലി നിര്ത്താന് തീരുമാനിക്കുമ്പോള് അതിനെ ഓര്മ്മപ്പെടുത്തുന്ന എല്ലാം ചുറ്റുപാടുകളില് നിന്ന ഒഴിവാക്കുക . ആഷ് ട്രേ, ലൈറ്ററുകള് എന്നിങ്ങനെ പുകവലിയെ ഓര്മ്മിപ്പിക്കുന്ന എന്തും വീട്ടില് നിന്നോ ഓഫീസ് മുറിയില് നിന്നോ ഒഴിവാക്കുക. പുകവലിക്കാന് തോന്നുമ്പോള് മനസിനെ വഴി തിരിച്ചുവിടുന്നതിന്റെ ഭാഗമായി പുറത്തേക്ക് പോകാം. എങ്ങോട്ടെങ്കിലും നടക്കാന് പോവുകയോ സുഹൃത്തുക്കളെ കാണുകയോ അവരുമായി സമയം ചിലവിടുകയോ ആവാം. പുകവലി ശീലമുള്ളവരെ ആ സമയങ്ങളില് ഒഴിവാക്കുന്നതാണ് ഉചിതം.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.