കോഴിക്കോട്: ഇരുവഴിഞ്ഞി പുഴയില് നീര്നായയുടെ അക്രമണത്തില് രണ്ട് വിദ്യാര്ത്ഥികള്ക്ക് പരിക്കേറ്റു.
നോര്ത്ത് കാരശ്ശേരി സ്വദേശികളായ വൈ പി ഷറഫുദ്ദീന്റെ മകൻ മുഹമ്മദ് സിനാൻ (12), കൊളോറമ്മല് മുജീബിന്റെ മകൻ ഷാൻ (13) എന്നിവര്ക്കാണ് നീര്നായയുടെ ആക്രമണത്തില് പരിക്കേറ്റത്. രണ്ടുപേരുടെയും കാലിനാണ് പരിക്ക്. കാരശ്ശേരി പഞ്ചായത്ത് ഓഫീസിന് സമീപത്തെ പാറക്കടവില് കുളിക്കാൻ ഇറങ്ങിയ വിദ്യാര്ത്ഥികളെയാണ് നീര്നായ ആക്രമിച്ച് പരിക്കേല്പ്പിച്ചത്. പരിക്കേറ്റ വിദ്യാര്ത്ഥികളെ കോഴിക്കോട് മെഡിക്കല് കോളേജില് പ്രവേശിപ്പിച്ചു.
മുമ്ബും പുഴയില് നീര്നായയുടെ ആക്രമണം ഉണ്ടായിരുന്നു. കഴിഞ്ഞ മാസം നിരവധിപേര്ക്കാണ് നീര്നായയുടെ ആക്രമണത്തില് പരിക്കേറ്റത്. അടിക്കടിയുണാവുന്ന ആക്രമണം പുഴയോരത്ത് താമസിക്കുന്നവരെ ആശങ്കയിലാഴ്ത്തിയിട്ടുണ്ട്. നീര്നായ ശല്യത്തിന് ശാശ്വത പരിഹാരം വേണമെന്നാണ് നാട്ടുകാരുടെ ആവശ്യം. ഇരുവഴിഞ്ഞി പുഴയിലെ നീര്നായ്ക്കളുടെ ആക്രമണ സ്വഭാവം ആവാസ വ്യവസ്ഥയിലുണ്ടായ മാറ്റമാണെന്നാണ് പരിസ്ഥിതി പ്രവര്ത്തകര് പറയുന്നത്.സാധാരണ നീര്നായ്ക്കള് വ്യാപകമായ ആക്രമണം നടത്താറില്ല. ചൂടുകുടുന്നതും മത്സ്യ സമ്ബത്ത് കുറയുന്നതും ഇവരെ ആക്രമണകാരികളാക്കുകയാണ്. ആഗസ്റ്ര് മാസം മുതല് ഡിസംബര് മാസം വരെയാണ് നീര്നായ്ക്കളുടെ പ്രജനനകാലം.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.