ദുബായ്: വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂമാണ് യുഎഇ മന്ത്രിസഭ പുനഃസംഘടിപ്പിച്ച് ഉത്തരവിറക്കിയത്. പ്രസിഡന്റ് ഷെയ്ഖ് മുഹമ്മദ് ബിൻ സയീദ് അൽ നഹ്യാന്റെ പിന്തുണയോടെയാണ് മാറ്റങ്ങളെന്ന് ഷെയ്ഖ് മുഹമ്മദ് പറഞ്ഞു.
യുവജനകാര്യ സഹമന്ത്രി ഷമ്മ അൽ മസ്റൂയിയെ സാമൂഹിക വികസന മന്ത്രിയാക്കി. അവൾ ഹിസ്സ ബുഹുമൈദിന് പകരമാണ്. യു എ ഇ യുനെസ്‌കോ പ്രതിനിധി സലിം അൽ ഖാസിമിയെ സാംസ്‌കാരിക യുവജന മന്ത്രിയായി നിയമിച്ചു.
മുൻ മന്ത്രിയായിരുന്ന നൂറ അൽ കഅബി ഇനി സഹമന്ത്രിയായി പ്രവർത്തിക്കും. മറിയം ബിൻത് അഹമ്മദ് അൽ ഹമ്മദിയെ കാബിനറ്റ് സെക്രട്ടറി ജനറലായി നിയമിച്ചു. ഡിജിറ്റൽ ഇക്കണോമി, എഐ, റിമോട്ട് വർക്കിംഗ് സിസ്റ്റംസ് എന്നിവയുടെ സഹമന്ത്രി സ്ഥാനം നിലനിർത്തിക്കൊണ്ട് ഉമർ അൽ ഉലമയെ പ്രധാനമന്ത്രിയുടെ ഓഫീസിന്റെ ഡയറക്ടർ ജനറലായി നിയമിച്ചു. നഫീസ് പ്രോഗ്രാം എന്നറിയപ്പെടുന്ന ഇമാ രതി ടാലന്റ് കോംപറ്റീറ്റീവ് കൗൺസിലിന്റെ ചെയർമാനായി അബ്ദുള്ള നാസർ ലൂട്ടയെ തിരഞ്ഞെടുത്തു. സ്വദേശിവത്കരണ പ്രചാരണത്തിന് നേതൃത്വം നൽകുകയാണ് നഫീന്റെ ദൗത്യം.
സാഹോദര്യ സൗഹൃദ രാജ്യങ്ങളുമായി സർക്കാരിന്റെ വിജ്ഞാന കൈമാറ്റ ഫയലിന്റെ ചുമതല തനിക്കായിരിക്കുമെന്ന് ഷെയ്ഖ് മുഹമ്മദ് പറഞ്ഞു. കഴിഞ്ഞ കാലയളവിൽ നിരന്തരവും ആത്മാർത്ഥവുമായ പ്രയത്‌നങ്ങൾ നടത്തിയ ഹിസ്സ ബുഹുമൈദിനെയും നൂറ അൽ കഅബിയെയും അദ്ദേഹം അഭിനന്ദിച്ചു.
പുതിയ മന്ത്രിമാർക്ക് ആശംസകൾ നേരുന്നതായും യുഎഇയുടെ ശോഭനമായ ഭാവിയെക്കുറിച്ച് എപ്പോഴും ശുഭാപ്തിവിശ്വാസം പുലർത്തുന്നതായും അദ്ദേഹം കൂട്ടിച്ചേർത്തു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
