റഷ്യൻ സൈന്യം ഉക്രെയ്‌നിലെ അധിനിവേശം ശക്തമാക്കിയതിനെത്തുടർന്ന് ഉക്രെയ്‌നിലും തലസ്ഥാനമായ കീവിലുമുള്ള ഇന്ത്യൻ പൗരന്മാരെ ഒഴിപ്പിക്കുന്നത് കേന്ദ്രസേന വേഗത്തിലാക്കുന്നു. ഉക്രൈനിലേക്കുള്ള പലായന ദൗത്യത്തിൽ പങ്കെടുക്കാൻ പ്രധാനമന്ത്രി വ്യോമസേനയെ ചുമതലപ്പെടുത്തി. വ്യോമസേനയുടെ ഗതാഗത വിമാനങ്ങൾ ഉപയോഗിച്ച് യുക്രൈൻ ഒഴിപ്പിക്കൽ വേഗത്തിലാക്കാനാണ് കേന്ദ്രസർക്കാരിന്റെ നീക്കം. ഇന്ത്യൻ വ്യോമസേനയുടെ സി-17 വിമാനവും ദൗത്യത്തിന് ഉപയോഗിക്കും. ഉക്രൈൻ അഭയാർഥികൾ അഭയം തേടിയ ഉക്രെയ്‌നിനും അയൽ രാജ്യങ്ങൾക്കും മരുന്നും മറ്റ് സഹായങ്ങളും നൽകുമെന്ന് ഇന്ത്യ നേരത്തെ അറിയിച്ചിരുന്നു.
മരുന്നും മറ്റ് സാമഗ്രഹങ്ങളും എത്തിക്കാൻ ഇന്ത്യ സി 17 വിമാനങ്ങൾ അയയ്ക്കുന്നു. സഹായവുമായി വിവിധ രാജ്യങ്ങളിലേക്ക് പോവുകയായിരുന്ന സി-17 വിമാനങ്ങൾ അവിടെ കുടുങ്ങിയ ഇന്ത്യക്കാരെയും കൊണ്ട് തിരികെയെത്തിക്കാനൊരുങ്ങുകയാണ്. നിലവിൽ എയർ ഇന്ത്യ, സ്‌പൈസ് ജെറ്റ്, ഇൻഡിഗോ തുടങ്ങിയ സ്വകാര്യ വിമാനക്കമ്പനികൾ ഉക്രെയ്‌നിന്റെ അതിർത്തി രാജ്യങ്ങളിലേക്ക് ഇന്ത്യക്കാരെ എത്തിക്കുന്നതിനായി സർവീസ് നടത്തുന്നുണ്ട്. ഈ കമ്പനികൾ അടുത്ത രണ്ട് ദിവസത്തിനുള്ളിൽ 23 സർവീസുകൾ കൂടി നടത്തും . ഇതോടൊപ്പമായിരിക്കും വ്യോമസേനാ വിമാനങ്ങളുടെ സർവ്വീസ്. ഇന്നും നാളെയുമായി പ്രധാനമന്ത്രി ചുമതലപ്പെടുത്തിയ കേന്ദ്രമന്ത്രിമാർ രക്ഷാപ്രവർത്തനം ഏകോപിപ്പിക്കാൻ വിവിധ രാജ്യങ്ങളിലേക്ക് പോകുന്നുണ്ട്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
