ഈസ്ട്രജൻ ഹോര്മോണ് കുറയുകയോ കൂടുകയോ ചെയ്താല് ആരോഗ്യത്തെ ദോഷകരമായി ബാധിക്കാം. പ്രൊജസ്ട്രോണ് എന്ന മറ്റൊരു പ്രത്യുത്പാദന ഹോര്മോണിന്റെ അനുപാതം വച്ചുനോക്കുമ്പോള് ഈസ്ട്രജൻ കൂടുന്നുവെങ്കില് അത് ക്യാൻസര്, എൻഡോമെട്രിയോസിസ്, പോളിസിസ്റ്റിക് ഓവേറിയൻ സിൻഡ്രോം (പിസിഒഎസ്) എന്നിങ്ങനെ പല പ്രശ്നങ്ങളും സ്ത്രീകളില് തീര്ക്കാം. ലൈംഗിക താല്പര്യം കുറയുക, മുടി കൊഴിച്ചില്, മൈഗ്രേയ്ൻ എന്നിങ്ങനെയുള്ള പ്രശ്നങ്ങളുമുണ്ടാക്കാം. പുരുഷന്മാരിലാകട്ടെ ഈസ്ട്രജൻ വര്ധിക്കുകയാണെങ്കില് അത് വന്ധ്യത, ഉദ്ധാരണപ്രശ്നം, ശരീരത്തിന്റെ താപനില ഉയരല് തുടങ്ങി പല പ്രയാസങ്ങളും സൃഷ്ടിക്കാം. അതിനാല് തന്നെ ഈസ്ട്രജൻ ഹോര്മോണ് ബാലൻസ് ചെയ്ത് നിര്ത്താൻ എപ്പോഴും ശ്രദ്ധിക്കണം. ഡയറ്റിലൂടെ തന്നെയാണ് കാര്യമായും ഈസ്ട്രജൻ ബാലൻസ് ചെയ്യാൻ സാധിക്കുക. ഈസ്ട്രജൻ കൂടുതലാണെങ്കില് ചില ഭക്ഷണങ്ങള് ഡയറ്റില് നിന്ന് ഒഴിവാക്കുന്നതാണ് ഉചിതം. ഇത്തരത്തില് ഒഴിവാക്കേണ്ട അഞ്ച് തരം ഭക്ഷണങ്ങളെ കുറിച്ചാണിനി പങ്കുവയ്ക്കുന്നത്. റെഡ് മീറ്റ് അതുപോലെ പ്രോസസ്ഡ് മീറ്റ് ആണ് ഈ പട്ടികയില് ആദ്യം വരുന്നത്. ഇത്തരം വിഭവങ്ങള് വീണ്ടും ഈസ്ട്രജൻ ഹോര്മോണ് കൂടുന്നതിന് കാരണമാകും. ഇത് സ്ത്രീകളില് സ്തനാര്ബുദ സാധ്യത വര്ധിപ്പിക്കുകയും ചെയ്യുന്നു. മൃഗങ്ങളില് നിന്നുത്പാദിപ്പിച്ചെടുക്കുന്ന ഭക്ഷ്യവിഭവങ്ങളെല്ലാം തന്നെ ഈസ്ട്രജൻ ഹോര്മോണ് വര്ധിപ്പിക്കാൻ ഇടയാക്കാം. അതിനാല് പാലുത്പന്നങ്ങളും പരമാവധി ഡയറ്റില് നിന്ന് നീക്കിവയ്ക്കുക. ചിലരില് പാലുത്പന്നങ്ങളും റെഡ് മീറ്റും വണ്ണം കൂട്ടാനും കാരണമായി വരാറുണ്ട്. ഈസ്ട്രജൻ അളവ് കൂടുതലുള്ളവര് നിര്ബന്ധമായും വ്യായാമം ചെയ്യുകയും വേണം. ഇത് അമിതവണ്ണവും കുറയ്ക്കാൻ സഹായിക്കും. മധുരപലഹാരങ്ങള്- പ്രത്യേകിച്ച് കടകളില് നിന്ന് വാങ്ങിക്കുന്നവ ഒഴിവാക്കുന്നതും ഈസ്ട്രജൻ ഹോര്മോണ് കൂടാതിരിക്കാൻ ചെയ്യാവുന്നതാണ്. കാരണം മധുരം അധികമായി അകത്തുചെല്ലുന്നത് കാര്യമായ ഹോര്മോണ് ബാലൻസ് പ്രശ്നങ്ങള് സൃഷ്ടിക്കാം.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.