പല കാരണങ്ങൾ കൊണ്ടും തലവേദന വരാം. പലപ്പോഴും ഇതിന് ചികിത്സ ആവശ്യമാണ് . എന്നാല് ഭൂരിപക്ഷം തലവേദനകളും ഒന്ന് വിശ്രമിച്ചാല് തന്നെ മാറുന്നവയുമാണ്. അതേസമയം, പലരുടെയും ഉറക്കം തന്നെ കെടുത്തുന്ന ഒന്നാണ് മൈഗ്രേൻ. അസഹനീയമായ വേദനയുമായി എത്തുന്ന ഒന്നാണ് മൈഗ്രേൻ. വെളിച്ചം കാണുമ്പോള് തോന്നുന്ന ബുദ്ധിമുട്ട്, ഉച്ചത്തിലുള്ള ശബ്ദം, ഛര്ദ്ദി തുടങ്ങിയവയാണ് മൈഗ്രേനിന്റെ പ്രധാന ലക്ഷണങ്ങള്.
മൊബൈല് ഫോണ്, കംപ്യൂട്ടര് എന്നിവയുടെ അമിത ഉപയോഗം ഇന്ന് പലരിലും തലവേദനയുണ്ടാക്കുന്നതിന് കാരണമാകുന്നുണ്ട്. അതിനാല് ഇവയുടെ ഉപയോഗം കുറയ്ക്കാം. പ്രത്യേകിച്ച് രാത്രി മങ്ങിയ വെളിച്ചത്തില് ഫോണ് ഉപയോഗിക്കുന്ന ശീലം പൂര്ണ്ണമായും ഉപേക്ഷിക്കാം. ചിലര്ക്ക് ചില ഭക്ഷണങ്ങള് കഴിക്കുന്നത് മൈഗ്രേൻ ഉണ്ടാകാം. ചോക്ലേറ്റ്, കഫൈന്, വൈന് തുടങ്ങിയ ചില ഭക്ഷണങ്ങള് കഴിക്കുമ്പോഴാണ് ചിലര്ക്ക് മൈഗ്രേൻ ഉണ്ടാകുന്നത്. അത്തരത്തില് തലവേദന ഉണ്ടാക്കുന്ന ഭക്ഷണങ്ങള് അറിഞ്ഞ് ഒഴിവാക്കുക. മദ്യപാനവും ചിലരില് ഇടവിട്ടുള്ള തലവേദനയ്ക്ക് കാരണമാകാറുണ്ട്. അതിനാല് അത്തരക്കാര് മദ്യപാനം ഒഴിവാക്കുക. സ്ട്രെസ് , ടെന്ഷന്, ദീര്ഘയാത്ര, വെയില് ഏല്ക്കുന്നതുമൊക്കെ പലരിലും തലവേദന ഉണ്ടാക്കാം. ഇത്തരം കാരണങ്ങള് കണ്ടെത്തി അവയില് നിന്നൊക്കെ വിട്ടുനിൽക്കുന്നതാണ് നല്ലത്. ലാവണ്ടർ ഓയില് തലവേദനയ്ക്ക് ആശ്വാസം നല്കുമെന്നാണ് പഠനങ്ങള് പറയുന്നത്. ഇതിനായി ഒരു ടിഷ്യൂ പേപ്പറില് ഏതാനും തുള്ളി ലാവണ്ടർ എണ്ണ ഒഴിച്ച്, അതിന്റെ മണം ശ്വസിക്കാവുന്നതാണ്. ഐസ് നിറച്ച പ്ലാസ്റ്റിക് പായ്ക്ക് നെറ്റിയിൽ വയ്ക്കുന്നത് തലവേദന അകറ്റാൻ സഹായിക്കും. ഇതുവഴി നെറ്റിയിലേക്കുളള രക്തപ്രവാഹം വർദ്ധിക്കുന്നു. ഇത് തലവേദന ശമിപ്പിക്കാൻ സഹായിക്കും.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.