കോഴിക്കോട്: കോഴിക്കോട്-കുന്ദമംഗലം ലഹരിക്കടത്ത് ശൃംഖലയിലെ പ്രധാന കണ്ണിയെ കുന്ദമംഗലം എക്‌സൈസും കോഴിക്കോട് എക്സൈസ് ഇന്റലിജൻസ് ബ്യൂറോയും പിടികൂടി. കോഴിക്കോട് വെള്ളയിൽ സ്വദേശി കമറുന്നിസയെയാണ് കുന്ദമംഗലം എക്സൈസ് ഇൻസ്പെക്ടർ മനോജ് പടിക്കത്തും സംഘവും അറസ്റ്റ് ചെയ്തത്.
കുന്ദമംഗലം, കോട്ടാം പറമ്ബ്, മുണ്ടിക്കൽ താഴം പ്രദേശങ്ങളിലെ ചെറുകിട വ്യാപാരികൾക്ക് കമറുന്നിസ സ്ഥിരമായി കഞ്ചാവ് എത്തിക്കുന്നുണ്ട്. ഇവർ നേരത്തെ ലഹരി കടത്ത് കേസിൽ എട്ട് വർഷം തടവിന് ശിക്ഷിക്കപ്പെട്ടിരുന്നു. കോയമ്പത്തൂർ, മധുര എന്നിവിടങ്ങളിൽ നിന്നാണ് പ്രധാനമായും കഞ്ചാവ് എത്തിക്കുന്നത്. ഇവരുടെ മൊബൈൽ ഫോൺ കേന്ദ്രീകരിച്ച് കൂടുതൽ അന്വേഷണം നടത്തും.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
