ഡെറാഡൂൺ: ജനുവരി 24 നാഷണൽ ഗേൾ ചൈൽഡ് ഡേയോട് അനുബന്ധിച്ച് ഒരു ദിവസത്തേക്ക് ഉത്തരാഖണ്ഡ് മുഖ്യമന്ത്രിയായി ചുമതല വഹിക്കുകയാണ് ഹരിദ്വാര് ജില്ലയിലെ ദൗലത്പൂർ ഗ്രാമത്തിലെ സൃഷ്ടി ഗോസ്വാമിയെന്ന പത്തൊമ്ബതുകാരി. ഇത് പ്രതീകാത്മകമായിരിക്കും. ഉത്തരാഖണ്ഡിന്റെ സമ്മര് ക്യാപ്പിറ്റൽ എന്നറിയപ്പെടുന്ന ഗയ്ര്ഷ്യനയിലാണ് സൃഷ്ടി ഇന്ന് ചുമതലയേറ്റത്. കുട്ടികളുടെ നിയമസഭാ സമ്മേളനത്തിൽ മുഖ്യമന്ത്രിയെന്ന നിലയിൽ സർക്കാരിന്റെ വിവിധ വകുപ്പുകളുടെ പ്രവർത്തനങ്ങൾ അവർ ഏറ്റെടുക്കും. ഈ സമയത്ത് ഡിപ്പാർട്ട്മെന്റൽ ഓഫീസർമാർ അവരുടെ കൃതികൾ അവതരിപ്പിക്കുകയും കൃഷ്തി അവർക്ക് നിർദ്ദേശങ്ങൾ നൽകുകയും ചെയ്യും.
Atal Ayushman Scheme, Smart City project, Homestay Scheme തുടങ്ങി മറ്റ് പല വികസന പദ്ധതികള് പഠിക്കാനും മാറ്റം കൊണ്ടുവരാനുമായിരിക്കും ഈ ദിവസം സൃഷ്ടി ഉപയോഗിക്കുക. സൃഷ്ടി 2018 മുതല് തന്നെ Uttarakhand Bal Vidhan Sabha-യുടെ മുഖ്യമന്ത്രിയാണ്. ഉത്തരാഖണ്ഡ് മുഖ്യമന്ത്രി ത്രിവേന്ദ്ര സിംഗ് റാവത്തും ഈ പരിപാടിയിൽ പങ്കെടുക്കും. ഈ പരിപാടി ഞായറാഴ്ച ഉച്ചയ്ക്ക് 12 മുതൽ ഉച്ചകഴിഞ്ഞ് 3 വരെ ഉത്തരാഖണ്ഡ് നിയമസഭയിലെ ഓഡിറ്റോറിയത്തിൽ നടക്കും.
“ഇത് സത്യമാണെന്ന് എനിക്കിപ്പോഴും വിശ്വസിക്കാന് കഴിഞ്ഞിട്ടില്ല. സന്തോഷം കൊണ്ടും അത്ഭുതം കൊണ്ടും എന്ത് പറയണമെന്നെനിക്കറിയില്ല, എന്നാലൂം ഭരണത്തില് യൂത്തിന് മികവ് പുലര്ത്താന് കഴിയുമെന്ന് തെളിയിക്കാന് ഞാന് എന്റെ കഴിവിന്റെ പരമാവധി ശ്രമിക്കും”- താന് ചീഫ് മിനിസ്റ്റർ ആകാന് തെരഞ്ഞെടുക്കപ്പെട്ടുവെന്ന് അറിഞ്ഞപ്പോള് ബിഎസ്സി മൂന്നാം വര്ഷ വിദ്യാര്ഥിയായ സൃഷ്ടി പ്രതികരിച്ചു.
സൃഷ്ടി മുഖ്യമന്ത്രിയായി ചുമതലയേല്ക്കുന്നതിന് മുമ്ബ് തന്നെ വിവിധ വകുപ്പുകളിലെ ഉദ്യോഗസ്ഥര് അതാത് വകുപ്പുകളിലെ പ്രധാന വിവരങ്ങള് സൃഷ്ടിക്ക് നല്കും. സൃഷ്ടി മുഖ്യമന്ത്രി സ്ഥാനം ഏറ്റെടുക്കുന്നതിനെ സംബന്ധിച്ച് Uttarakhand Child Rights Protection Commission ചീഫ് സെക്രട്ടറിക്ക് കത്ത് നല്കിയിരുന്നു.
ഇന്ത്യ, നാഷണൽ ഗേൾ ചൈൽഡ് ഡേ 2008 മുതലാണ് ആചരിക്കാനാരംഭിച്ചത്. ഇന്ത്യയിലെ പെണ്കുട്ടികള് അനുഭവിക്കുന്ന അസമത്വം ഇല്ലാതാക്കുകയെന്നതും സ്ത്രീകളോട് സമൂഹത്തിനുള്ള മനോഭാവം മാറ്റുകയെന്നതുമാണ് ഈ ദിവസത്തിന്റെ ഉദ്ദേശം. 2011ല് UNO ഒക്ടോബര് 11 അന്താരാഷ്ട്ര ബാലിക ദിനമായി ആചരിക്കാന് ആരംഭിച്ചു. ഇന്ത്യയുടെ ആദ്യ വനിത പ്രധാനമന്ത്രി ഇന്ദിരാ ഗാന്ധി ജനുവരി 24ണ് ചുമതലയേറ്റതിനാലാണ് ഇന്ത്യ ജനുവരി 24 നാഷണൽ ഗേൾ ചൈൽഡ് ഡേ ആയി ആചരിക്കുന്നത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
