കോഴിക്കോട്: ഭാര്യാസഹോദരനെ വധിക്കാൻ ശ്രമിച്ച കേസിൽ പ്രതി അറസ്റ്റിൽ. കാരശ്ശേരി സ്വദേശി യൂസഫാണ് പിടിയിലായത്. കാരശ്ശേരി കല്‍പ്പൂര് വെച്ച്‌ നാട്ടുകാര്‍ പിടികൂടി പോലീസിലേല്‍പ്പിക്കുകയായിരുന്നു. കൽപ്പൂർ സ്വദേശി മുഹമ്മദ് റിയാസിനാണ് പരിക്കേറ്റത്.
ശനിയാഴ്ച ഉച്ചയ്ക്ക് 12 മണിയോടെയാണ് സംഭവം. കൽപൂർ അങ്ങാടിയില്‍ നിൽക്കുകയായിരുന്ന റിയാസിനെ പ്രതി യന്ത്രവാൾ ഉപയോഗിച്ച് ആക്രമിക്കുകയായിരുന്നു. യന്ത്ര വാളുകൊണ്ട് തന്‍റെ കഴുത്തിന് ആക്രമിച്ചെങ്കിലും കൈകൊണ്ട് തടഞ്ഞതിനാൽ രക്ഷപ്പെട്ടുവെന്ന് പരിക്കേറ്റ റിയാസ് പറഞ്ഞു.
സംഭവം നടന്നയുടൻ പ്രതിയെ നാട്ടുകാർ പിടികൂടി പോലീസിൽ ഏൽപ്പിച്ചു. മുക്കം ഇൻസ്പെക്ടർ പ്രജീഷിന്റെ നേതൃത്വത്തിലാണ് പ്രതിയെ കസ്റ്റഡിയിലെടുത്തത്. ഒരു വർഷമായി യൂസഫ് റിയാസിന്റെ സഹോദരിയുമായി അകന്നു കഴിയുകയായിരുന്നു. ഇതുമായി ബന്ധപ്പെട്ട് കഴിഞ്ഞ ദിവസം ഒത്തുതീർപ്പ് ചർച്ചകൾ നടന്നതായാണ് വിവരം. എന്നാൽ ചർച്ച വിജയിച്ചില്ല. അതിനിടെയാണ് ശനിയാഴ്ച രാവിലെ കല്‍പ്പൂര് അങ്ങാടിയില്‍ വെച്ച്‌ അക്രമം നടന്നത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
