ലണ്ടന്‍: ബെന്‍ഫികയുടെ പോര്‍ച്ചുഗീസ് താരം റൂബന്‍ ഡിയസ് മാഞ്ചസ്റ്റര്‍ സിറ്റിയിലേക്ക്. പ്രതിരോധനിര താരമായ ഡിയസും മാഞ്ചസ്റ്റര്‍ സിറ്റിയും തമ്മില്‍ ട്രാന്‍സ്ഫര്‍ ധാരണയായതായി വിദേശ മാധ്യമങ്ങള്‍ റിപ്പോര്‍ട്ട് ചെയ്തു.
നാപോളിയുടെ സെന്‍റര്‍ ബാക്ക് കൗലിബലിയെ കിട്ടില്ലെന്ന് ഉറപ്പായതോടെയാണ് ഡിയസിനെ ടീമിലെത്തിക്കാന്‍ സിറ്റി ശ്രമം തുടങ്ങിയത്. എന്നാല്‍ ബെന്‍ഫികയുമായി സിറ്റി കരാര്‍ തുകയില്‍ ധാരണയില്‍ എത്തിയിട്ടില്ല.
പോര്‍ച്ചുഗലിനായി 19 മത്സരങ്ങള്‍ 23 വയസുകാരനായ ഡിയസ് കളിച്ചിട്ടുണ്ട്. 2017ല്‍ ബെന്‍ഫിക‍യിലെത്തിയ താരം 89 മത്സരങ്ങളില്‍ എട്ടു ഗോളുകളും നേടിയിട്ടുണ്ട്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
