മുക്കം: പെന്‍സില്‍ ഉപയോഗിച്ച്‌ പ്രമുഖരുടെ ചിത്രങ്ങള്‍ വരച്ച്‌ വിസ്മയം തീര്‍ക്കുകയാണ് കീഴുപറമ്ബ് സ്വദേശിയായ വിദ്യാര്‍ഥിനി. മറിയം-യൂസഫ് ദമ്ബതികളുടെ മകളും എം.ഒ.എം.ഒ മണാശ്ശേരി കോളജിലെ വിദ്യാര്‍ഥിനിയുമായ സൗദ യൂസഫാണ് ചിത്രകലയില്‍ മികവ് തെളിയിക്കുന്നത്. നിരവധി പ്രമുഖരുടെ ചിത്രങ്ങളാണ് സൗദ ഇതിനകം വരച്ചത്.
ഗാന്ധിജി, നെഹ്‌റു, സി.എച്ച്‌. മുഹമ്മദ് കോയ ഉള്‍പ്പെടെയുള്ള രാഷ്ട്രീയ നായകരുടെയും കലാകാരന്മാര്‍, ഗായകര്‍, സിനിമ-കായിക താരങ്ങള്‍ ഉള്‍െപ്പടെയുള്ളവരുടെയും ചിത്രങ്ങളാണ് പെന്‍സില്‍ ഉപയോഗിച്ച്‌ അതിമനോഹരമായി വരച്ചിരിക്കുന്നത്.എ ഫോര്‍ പേപ്പറില്‍ 24 ഗായകരുടെ ചിത്രങ്ങള്‍ ചുരുങ്ങിയ സമയം കൊണ്ട് വരക്കും . ചെറുപ്പം മുതലേ ചിത്രരചനയോട് താല്‍പര്യമുണ്ടായിരുന്നെങ്കിലും കോവിഡ് സമയത്താണ് കൂടുതലായി ചിത്ര രചനയിലേക്ക് തിരിഞ്ഞതെന്ന് സൗദ പറഞ്ഞു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
