കോഴിക്കോട്: റാഗിങ്ങിനെ ചൊല്ലി മുക്കം ഐഎച്ച്ആർഡി കോളജിൽ വിദ്യാർഥികൾ സംഘർഷം. നിരവധി വിദ്യാർത്ഥികൾക്ക് പരിക്കേറ്റു. ഉച്ചയ്ക്ക് ഒരു മണിയോടെയാണ് വിദ്യാർഥികൾ ഏറ്റുമുട്ടിയത്. ബിരുദ വിദ്യാര്‍ഥികളായ ഷെനിജിന്‍, അമല്‍, ദില്‍ഷാദ്, അനിരുദ്ധന്‍ ആകാശ് എന്നിവര്‍ക്ക് പരിക്കേറ്റു.
കഴിഞ്ഞ വ്യാഴാഴ്ച, മൂന്നാം വർഷ വിദ്യാർത്ഥികൾ രണ്ടാം വർഷ വിദ്യാർത്ഥികളെ റാഗ് ചെയ്തതായി പരാതിയുണ്ടായിരുന്നു, കഴിഞ്ഞ വ്യാഴാഴ്ച രണ്ടാം വർഷ വിദ്യാർത്ഥികൾ മൂന്നാം വർഷ വിദ്യാർത്ഥിയെ മർദിച്ചതായി പരാതിയുമുണ്ട്. ഇതുമായി ബന്ധപ്പെട്ട് ഉയർന്നുവന്ന പ്രശ്നങ്ങളാണ് ഇന്ന് അക്രമത്തിലേക്ക് നയിച്ചത്.
വടി ഉൾപ്പെടെയുള്ള മാരകായുധങ്ങളുമായി എത്തിയ വിദ്യാർഥികളാണ് ഏറ്റുമുട്ടിയത്. പരിക്കേറ്റവരെ ആശുപത്രിയിൽ പ്രവേശിപ്പിച്ചു. സ്ഥലത്തെത്തിയ മുക്കം പൊലീസ് പ്രശ്നം പരിഹരിക്കാൻ ശ്രമിക്കുകയാണ്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
