മുക്കം: കിണറ്റിൽ വീണയാളെ മുക്കം അഗ്നിശമനസേന രക്ഷപ്പെടുത്തി. മീൻമുട്ടി നരിക്കും ചാലിൽ അനിൽകുമാറാണ് (48) 45 അടിയോളം താഴ്ചയുള്ള കിണറ്റിൽ വീണത്. കോടഞ്ചേരി പഞ്ചായത്തിലെ അഞ്ചാം വാർഡിൽ താമസിക്കുന്ന കുമ്മങ്കോട് വിനോദ് കുമാറിന്റെ ഉടമസ്ഥതയിലുള്ളതാണ് കിണർ.
ശനിയാഴ്ച രാത്രി 7.30 ഓടെയാണ് സംഭവം. അറിയിപ്പ് ലഭിച്ചയുടൻ മുക്കം ഫയർ ആൻഡ് റെസ്ക്യൂ അസിസ്റ്റന്റ് സ്‌റ്റേഷൻ ഓഫീസർ വിജയൻ നടുത്തൊടിയുടെ നേതൃത്വത്തിൽ ഫയർഫോഴ്‌സ് സ്ഥലത്തെത്തി കയർ, രക്ഷാ വല എന്നിവയുടെ സഹായത്തോടെ അപകടത്തിൽപ്പെട്ടയാളെ രക്ഷപ്പെടുത്തി സേനയുടെ ആംബുലൻസിൽ ഓമശേരി ശാന്തി ആശുപത്രിയിൽ എത്തിച്ചു.
സീനിയർ ഫയർ & റെസ്ക്യൂ ഓഫീസർ പയസ് അഗസ്റ്റിൻ, ഫയർ & റെസ്ക്യൂ ഓഫീസർമാരായ ഷൈബിൻ എം, അമീറുദീൻ കെ.പി, നജ്മുദ്ധീൻ ഇല്ലതൊടി, സിന്തിൽ കുമാർ കെ, അബ്ദുസമീം പി.പി. സുബിൻ. ഇ, ജിതിൻ രാജ് .പി, ഹോം ഗാർഡുമാരായ ചാക്കോ ജോസഫ്, ജോഷി .സി എഫ് സിവിൽ ഡിഫൻസ് അംഗം സിനീഷ് കുമാർ
എന്നിവരും രക്ഷാപ്രവർത്തന സംഘത്തിലുണ്ടായിരുന്നു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
