കോഴിക്കോട്; ബൈക്ക് നിയന്ത്രണംവിട്ട് കൊക്കയിലേക്ക് മറിഞ്ഞ് യുവാവ് മരിച്ചു. കൂടെയുണ്ടായിരുന്ന സുഹൃത്ത് ജുനൈസിന് പരിക്കേറ്റു. വല്ലത്തായ്പാറ പുറമഠത്തില്‍ സുബൈര്‍ – സൗദ ദമ്ബതികളുടെ മകന്‍ മുഹമ്മദ് ഹാഷിം (22) ആണ് മരിച്ചത്. കൂടരഞ്ഞി പൂവാറന്‍തോട് റോഡില്‍ ഉറുമിക്ക് സമീപമാണ് അപകടമുണ്ടായത്. സുഹൃത്ത് കൊടിയത്തൂർ കാരക്കുറ്റി മുഹമ്മദ് ജുനൈസിനെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
പൂവാറന്‍തോടുള്ള ബന്ധു വീട്ടില്‍ പൊയി മടങ്ങി വരുന്ന വഴി ഉറുമി പവര്‍ ഹൗസിന് സമീപത്ത് വെച്ച്‌ ബൈക്ക് നിയന്ത്രണം വിട്ട് കൊക്കയിലേക്ക് മറിയുകയായിരുന്നു. ഇന്നലെ വൈകുന്നേരമാണ് അപകടമുണ്ടായത്. ഉടന്‍ തന്നെ സ്ഥലത്തെത്തിയ നാട്ടുകാരുടെ നേതൃത്വത്തില്‍ ഇരുവരെയും ആശുപത്രിയില്‍ എത്തിച്ചെങ്കിലും ഹാഷിമിനെ രക്ഷിക്കാനായില്ല. ജുനൈസ് കോഴിക്കോട് മെഡിക്കല്‍ കോളജില്‍ ചികിത്സയിലാണ്. മുക്കത്തെ കടയിലെ ജീവനക്കാരനാണ് മരണപ്പെട്ട ഹാഷിം. ഹാഷിമിൻ്റെ സഹോദരങ്ങൾ: ഷൈജൻ,നൗഫൽ
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
