മുക്കം: വർക്ക് ഷോപ്പുകളിൽ നിന്ന് ഇരുമ്പു സാമഗ്രികൾ മോഷ്ടിച്ച് കടകളിൽ വിൽപന നടത്തുന്നയാളെ മുക്കം പോലീസ് പിടികൂടി. മുക്കം വെന്റ് പൈപ്പ് പാലത്തിന് സമീപം പുതിയോട്ടിൽ കോളനി സ്വദേശി ആരിഫ് (27) ആണ് അറസ്റ്റിലായത്. കുമരനെല്ലൂർ മുക്കം റോഡിലെ കടയിൽ നിന്ന് സിസിടിവി ഉൾപ്പെടെ നിരവധി സാധനങ്ങൾ മോഷണം പോയതിനെ തുടർന്ന് നടത്തിയ പരിശോധനയിലാണ് പ്രതി പിടിയിലായത്.
ഇയാൾ മോഷണം നടത്താനുപയോഗിച്ച ഓട്ടോറിക്ഷയും കസ്റ്റഡിയിലെടുത്തിട്ടുണ്ട്. അതെ സമയം ഇയാൾ പോക്‌സോ കേസിലെ പ്രതിയാണെന്ന് മുക്കം പോലീസ് പറഞ്ഞു. പ്രജീഷിന്റെ നേതൃത്വത്തിൽ എസ്ഐ സജിത്ത് സജീവ്, സിവിൽ പൊലീസ് ഓഫിസർമാരായ ഷെഫീഖ് നീലിയാനിക്കൽ, അനൂപ് മണാശേരി എന്നിവരടങ്ങിയ അന്വേഷണ സംഘമാണ് പ്രതിയെ പിടികൂടിയത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
