കോഴിക്കോട്: മുക്കത്ത് തെരുവ് നായയുടെ കടിയേറ്റ് ആറുപേർക്ക് പരിക്കേറ്റു. ഇന്നലെ വൈകീട്ടാണ് മുക്കം അഗസ്ത്യമൂഴിയിൽ നായയുടെ ആക്രമണമുണ്ടായത്. നായയുടെ ആക്രമണത്തിൽ പരിക്കേറ്റ ആറുപേരെ മുക്കത്തെ വിവിധ ആശുപത്രികളിൽ പ്രവേശിപ്പിച്ചു. നിരവധി പേരെ കടിച്ച നായ മറ്റു നായകളെയും ആക്രമിച്ചു. നായയുടെ ആക്രമണത്തിൽ കൈയിലും കാലിലുമാണ് ഭൂരിഭാഗം പേർക്കും കടിയേറ്റത്. അതെ സമയം നായക്ക് പേ ബാധ ഉണ്ടോ എന്ന ആശങ്കയിലാണ് നാട്ടുകാർ. നഗരസഭാ ചെയർമാന്റെ നേതൃത്വത്തിൽ നഗരസഭാ ജീവനക്കാരും സന്നദ്ധപ്രവർത്തകരും നായക്ക് വേണ്ടി തിരച്ചിൽ നടത്തിയെങ്കിലും കണ്ടെത്താനായില്ല.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
