ബെംഗളൂരു∙ വൈറലാകാൻ മൂന്ന് മൂർഖൻ പാമ്പുകളെ വച്ച് അഭ്യാസപ്രകടനം കാണിച്ച യുവാവിന് ഒടുവിൽ പാമ്പുകടിയേറ്റു. സർസിയിലെ മാസ് സെയ്ദിനാണ് പാമ്പിന്റെ കടിയേറ്റത്. വിഡിയോ സോഷ്യൽമീഡിയയിൽ വൈറലാണ്. ഐഎഫ്എസ് ഓഫിസറായ സുശാന്ത നന്ദയും സെയ്ദിന്റെ വിഡിയോ ട്വിറ്ററിൽ ഷെയർ ചെയ്തിട്ടുണ്ട്. ‘മൂർഖന്‍ പാമ്പുകളെ കൈകാര്യം ചെയ്യുന്ന ഭയാനകമായ രീതി’ എന്നാണ് അദ്ദേഹം വിഡിയോയ്ക്കൊപ്പം കുറിച്ചത്.പത്തി വിടർത്തി നിൽക്കുന്ന പാമ്പുകളുടെ മുന്നിലിരുന്ന് സെയ്ദ് കാലും കൈയും ആട്ടുകയും അശ്രദ്ധയോടെ ഒരു പാമ്പിന്റെ വാലിൽ പിടിച്ച് വലിക്കുന്നതും വിഡിയോയിൽ കാണാം പെട്ടന്ന് കാൽമുട്ടിൽ പാമ്പ് കടിച്ചുപിടിച്ചു. കടിയേറ്റ സെയ്ദ് ഉടൻതന്നെ എഴുന്നേറ്റ് പാമ്പിനെ വലിച്ചുമാറ്റാൻ ശ്രമിച്ചെങ്കിലും സാധിച്ചില്ല . സെയ്ദ് ആശുപത്രിയിൽ ചികിത്സയിലാണ് . വിഷം ഇറക്കാനായി സെയ്ദിന് 46 കുപ്പി ആന്റിവെനമാണ് കുത്തിവച്ചത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
