കൊച്ചി∙ ആലപ്പുഴ ജില്ലാ കലക്ടർ ഡോ.രേണു രാജ്, ആരോഗ്യവകുപ്പ് ജോയിന്റ് സെക്രട്ടറിയും കേരള മെഡിക്കൽ സർവീസസ് കോർപറേഷൻ എംഡിയുമായ ഡോ. ശ്രീറാം വെങ്കിട്ടരാമനും വിവാഹിതരായി. ചോറ്റാനിക്കരയിലെ ഓഡിറ്റോറിയത്തിലാണ് വിവാഹം. അടുത്ത ബന്ധുക്കളും സുഹൃത്തുക്കളും മാത്രമേ പങ്കെടുക്കുന്നത്. വിവാഹിതരാകാൻ തീരുമാനിച്ച വിവരം ഇരുവരും ഐഎഎസ് സുഹൃത്തുക്കളെ വാട്സാപ്പിലൂടെ അറിയിച്ചു.
എംബിബിഎസ് ബിരുദം പൂര്ത്തിയാക്കിയ ശേഷമാണ് ഇരുവരും സിവില് സര്വീലെത്തുന്നത്. ദേവികുളം സബ് കലക്ടറായിരുന്നപ്പോള് കൈയേറ്റം ഒഴിപ്പിക്കലിലൂടെ ശ്രദ്ധനേടിയവരാണ് ഇരുവരും. 2019ല് മാധ്യമപ്രവര്ത്തകന് കെ.എം.ബഷീര് കാര് ഇടിച്ച് മരിച്ച കേസിലെ പ്രതിയായതോടെ ശ്രീറാമിനെ സര്വീസില്നിന്ന് സസ്പെന്ഡ് ചെയ്തിരുന്നു. പിന്നീട് ദീര്ഘനാളുകള്ക്കു ശേഷമാണ് ആരോഗ്യവകുപ്പിലെത്തുന്നത്. ചങ്ങനാശേരി സ്വദേശിയായ രേണു രാജ് 2014ലാണ് രണ്ടാം റാങ്കോടെ ഐഎഎസ് പാസായത്. തൃശൂര്, ദേവികുളം എന്നിവിടങ്ങളില് സബ് കലക്ടറായി പ്രവര്ത്തിച്ച രേണു ഇപ്പോള് ആലപ്പുഴ ജില്ലാ കലക്ടറാണ്. സഹപാഠിയായ ഡോക്ടറുമായുള്ള വിവാഹബന്ധം രേണുരാജ് നേരത്തേ വേര്പിരിഞ്ഞിരുന്നു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
