വിഴിഞ്ഞം വില്ലേജ് ഓഫീസിൽ ലക്ഷങ്ങൾ തട്ടിയെടുത്ത വില്ലേജ് ഫീൽഡ് അസിസ്റ്റന്റ് പിടിയിൽ ഒളിവിലായിരുന്ന ബി.കെ.രതീഷ്. കെട്ടിട നികുതി ഇനത്തിൽ 6,30,000 രൂപയാണ് ഇയാൾ തട്ടിയെടുത്തത്. തഹസിൽദാർ നടത്തിയ പരിശോധനയിൽ റദ്ദാക്കിയ രസീതുകൾ കണ്ടെത്തി. തുടർന്നുള്ള അന്വേഷണമാണ് പ്രതിയെ പിടികൂടുന്നതിലേക്ക് നയിച്ചത്. ഒറ്റത്തവണ കെട്ടിട നികുതി അടക്കാനെത്തുന്ന ഇടപാടുകാരിൽ നിന്ന് പണം വാങ്ങി രസീത് നൽകിയ ശേഷം ഓൺലൈനായി രസീത് റദ്ദാക്കി തട്ടിപ്പ് നടത്തുകയായിരുന്നു ഇയാളുടെ രീതി. 57 പേരുടെ നികുതി അദ്ദേഹം സ്വന്തം അക്കൗണ്ടിലേക്ക് മാറ്റി. രതീഷിന്റെ മുൻകൂർ ജാമ്യാപേക്ഷ സെഷൻസ് കോടതി നേരത്തെ തള്ളിയിരുന്നു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
