പുതുച്ചേരികാരയ്ക്കല് എട്ടാം ക്ലാസുകാരനെ സഹപാഠിയുടെ അമ്മ വിഷം കൊടുത്തുകൊന്നു. പഠനത്തില് മികവു പുലര്ത്തിയതില് അസൂയപൂണ്ട് ജൂസ് പാക്കറ്റില് വിഷം ചേര്ത്തശേഷം കുട്ടിക്കു നല്കുകയായിരുന്നു. ബാലമണികണ്ഠനാണ് മരിച്ചത്. അതെ സമയം കുട്ടിക്കു ചികിത്സ കിട്ടിയില്ലെന്നാരോപിച്ച് നാട്ടുകാര് ആശുപത്രി ആക്രമിച്ചു. എങ്ങനെയെങ്കിലും തന്റെ മകനെ ക്ലാസിൽ ഒന്നാം സ്ഥാനത്ത് എത്തിക്കാന് ഒരമ്മ ചെയ്ത കൊടുംക്രൂരതയാണിത് ബാലമണികണ്ഠന് ഇന്നലെ ക്ലാസ് കഴിഞ്ഞു വീട്ടിലെത്തിയതിനു പിന്നാലെ ഛര്ദിച്ച് കുഴഞ്ഞുവീഴുകയായിരുന്നു . ആശുപത്രിയിൽ എത്തിച്ചപ്പോൾ, വിഷം അകത്തുചെന്നുവെന്ന് ഡോക്ടര്മാര് സംശയം പ്രകടിപ്പിച്ചു. തുടര്ന്ന് മാതാപിതാക്കള് ചോദിച്ചപ്പോഴാണ് സ്കൂളിലെ സുരക്ഷാ ജീവനക്കാരന് ജൂസ് നല്കിയിരുന്നതായി കുട്ടി വെളിപ്പെടുത്തിയത്ത ഇതനുസരിച്ച് സ്കൂളിലെ സുരക്ഷാ ജീവനക്കാരന് ദേവദാസിനെ മാതാപിതാക്കളും സ്കൂള് അധികൃതരും ചോദ്യം ചെയ്തു. കുട്ടിയുടെ ബന്ധുവെന്നു പറഞ്ഞെത്തിയ സ്ത്രീയാണ് ജൂസ് പാക്കറ്റ് നല്കാന് ഏല്പ്പിച്ചതെന്നായിരുന്നു ഇയാളുടെ മൊഴി. തുടര്ന്നു സിസിടിവി ക്യാമറകളില് പതിഞ്ഞ ദൃശ്യങ്ങള് പരിശോധിച്ചപ്പോഴാണു മറ്റൊരു കുട്ടിയുടെ അമ്മയായ സഹായറാണി വിക്ടോറിയ എന്ന സ്ത്രീയാണു സുരക്ഷാ ജീവനക്കാരന് ജൂസ് പാക്കറ്റ് കൈമാറിയതെന്നു കണ്ടെത്തിയത്. പിന്നീട് ഇവരെ കസ്റ്റഡിയിലെടുത്ത് ചോദ്യം ചെയ്തപ്പോഴാണുസത്യം പുറത്തുവന്നത് . പരീക്ഷകളില് തന്റെ മകനേക്കാള് മണികണ്ഠന് മികച്ച മാര്ക്കു നേടുന്നതാണു വിഷം നല്കാനുള്ള കാരണമെന്നാണു മൊഴി.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
