മലപ്പുറം: കരിപ്പൂർ വിമാനത്താവളത്തിൽ വീണ്ടും കടത്താൻ ശ്രമിച്ച സ്വർണം കസ്റ്റംസ് പിടികൂടി. 808 ഗ്രാം (101 പവൻ) സ്വർണമാണ് പിടികൂടിയത്. സംഭവത്തിൽ കൊടുവള്ളി സ്വദേശി ഉസ്മാൻ അറസ്റ്റിലായി.
ഇന്ന് രാവിലെയാണ് സംഭവം. മലദ്വാരത്തിൽ ഒളിപ്പിച്ചാണ് ഉസ്മാൻ സ്വർണം കടത്താൻ ശ്രമിച്ചത്. സ്വർണ മിശ്രിതം കാപ്സ്യൂളുകളാക്കിയായിരുന്നു മലദ്വാരത്തിൽ ഒളിപ്പിച്ചത്. വിമാനത്താവളം വഴി സ്വർണം കടത്താൻ ശ്രമിക്കുന്നതായി കസ്റ്റംസിന് വിവരം ലഭിച്ചിരുന്നു. ഇതിന്റെ അടിസ്ഥാനത്തിലാണ് സ്വർണം പിടികൂടിയത്.
സുരക്ഷാ പരിശോധനയിൽ പിടിയിലായ ഉസ്മാൻ തന്റെ പക്കൽ സ്വർണമില്ലെന്നായിരുന്നു ആദ്യം പറഞ്ഞത്. എന്നാൽ പിന്നീട് വിശദമായ പരിശോധനയിൽ സ്വർണമുണ്ടെന്ന് കണ്ടെത്തി. ഇയാളെ വിശദമായി ചോദ്യം ചെയ്തു വരികയായിരുന്നു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
