വസ്ത്രധാരണത്തിന്റേ പേരില് നടക്കുന്ന സൈബര് ആക്രമണങ്ങളില് പ്രതികരണവുമായി നടി ഭാവന. ഗോള്ഡന് വിസ സ്വീകരിക്കാനെത്തുന്ന ഭാവനയുടെ ഫോട്ടോയും വീഡിയോയും സോഷ്യല് മീഡിയയില് വ്യാപകമായി പ്രചരിച്ചിരുന്നു.ടോപ്പിന് താഴെ ദേഹത്തോട് ചേര്ന്നു കിടക്കുന്ന ശരീരത്തിന്റെ അതേ നിറമുള്ള വസ്ത്രമാണ് ഭാവന ധരിച്ചിരുന്നത്. എന്നാല് ടോപ്പിനടിയില് വസ്ത്രമില്ലെന്ന തരത്തിലും കൈ ഉയര്ത്തുമ്പോള് കാണുന്നത് ശരീരമാണെന്നുമുള്ള രീതിയിലായിരുന്നു ഭാവനയ്ക്കെതിരായ പ്രചാരണംഇതിന് പിന്നാലെ ഇന്സ്റ്റഗ്രാം പോസ്റ്റിലൂടെ പ്രതികരണവുമായി രംഗത്തെത്തിയിരിക്കുകയാണ് ഭാവന. എല്ലാം ശെരിയാവും എന്ന് ഓരോ ദിവസവും സ്വയം പറഞ്ഞു ജീവിച്ചു തീര്ക്കാന് നോക്കുമ്പോള്, എന്റെ പ്രിയപെട്ടവരെ വിഷമിപ്പിക്കരുത് എന്ന് വിചാരിച്ചു സങ്കടങ്ങള് മാറ്റി വെക്കാന് നോക്കുമ്പോളും, ഞാന് എന്തു ചെയ്താലും ആക്ഷേപിക്കാനും ചീത്ത വാക്കുകള് ഉപയോഗിച്ച് എന്നെ വേദനിപ്പിച്ചു വീണ്ടും ഇരുട്ടിലേക്ക് വിടാന് നോക്കുന്ന ഒരുപാട് പേര് ഉണ്ട് എന്ന് എനിക്ക് അറിയാം. അങ്ങനെ ആണ് അവരൊക്കെ സന്തോഷം കണ്ടെത്തുന്നത് എന്നും എനിക്ക് ബോധ്യമുണ്ട്. അങ്ങനെ ആണ് നിങ്ങള്ക്കു സന്തോഷം കിട്ടുന്നത് എങ്കില് അതിലും ഞാന് തടസം നില്ക്കില്ല.’ ഭാവന ഇന്സ്റ്റഗ്രാമില് കുറിച്ചു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
